Coboy
Li mot « coboy » vént d' l' inglès « cowboy », ki vout dire, ratourné platezak : « vårlet ås vatches ».
Definixha
[candjî | candjî l’ côde wiki]Sorlon les motîs estazunyins, on coboy pout s' rapoirter a diferinnès sacwès :
- on cavalî ;[1][2]
- ene sakî ki s' afwaire des rodjès biesses ;[2][3]
- ene sakî ki s' ocupe des vatches ;[1]
- on rodéyoyisse ;[3]
- on moenneu ki n' shût nén l' code ;[3]
- èn ome ubén ene feme d' afwaires ki n' shonne nén oniesse.[2][3]
E walon, on rlouke puvite do costé des mousmints tipikes ubén d' ene codujhance d' on sins-djinne.
Tuzance
[candjî | candjî l’ côde wiki]Uyessês
[candjî | candjî l’ côde wiki]L' idêye do coboy est sovint rprindowe dins les tuzances, copuvite del ci estazunyinne. Metans k' el dierin fime d' ene rîlêye di troes, rexhous tins del dijhnêye 1960, est onk des pus peupreces fimes des Uyessês. Si tite e walon, c' est « Li Bon, el Calfake eyet l' Mamborneu ». La eto ki, pindant l' atake do troejhinme milénaire, gn a ene rîlêye di djeu, « Red Dead », k' a stî eplaideye : Red Dead Revolver (2004), Red Dead Redemption (2010) ; sins conter Red Dead Redemption: Undead Nightmare, k' est rwaitî a pårt ; eyet Red Dead Redemption II (2018).
Walonreye
[candjî | candjî l’ côde wiki]Tot rwaitant les binde d' imådjes, Lucky Luke, c' est ene binde d' imådje k' erprezinte on coboy ki s' lome dinsi. Foû d' ça, on-z end a fwait on fouyton al tévé. La ossu k' i gn a des desséns d' lu dins kékès ståcions do ledjir metro di Tchålerwè.
« Cow-boy », c' est eto on fime rexhou e 2007. Li portagonisse est djouwé pa Benoît Poelvoorde.