Colibacilôze des poyes

Efouwaedje fibrineus do pericour

Li colibacilôze des poyes, c' est ene ene colibacilôze; ene maladeye des poyes cåzêye pa on rascråwant colibacile).

Ele acsût purade les polets d' poytreye, et cåze des araedjeyès pietes ås pouytîs.

Rascråwant stoks di colibacile

Les stoks di colibaciles ki cåzèt l' maladeye sont lomés : O1:K1, O2:K1 und O78:K80.

Minêyolodjince

Cotoû d' arivaedje del maladeye

Li colibacile est ene bactereye cåzu normåle. Ele ni va divni rascråwante ki si les oujheas mostrèt ene tinristé ou l' ôte :

• stok di polet ki profitè todi pus rade.
• mwaijhe idjinne
• acsujhaedje pa les micoplasses
• passaedje di virûsse come li ci des bronchite å virûsse des poyes, li boursite å virûsse u li fåsse pesse des poyes.

Morance

Li morance pout monter pår, djoû après djoû, oubon-bén fé do zigzaguigne, on djoû dpus, on djoû moens.

Ådje

Les poyons des prumirès samwinnes sont puvite acsûts del botroûlite å colibacile.

L' areyosaetchite est veyåve aprume so les polets di 5 a 12 samwinnes, avou ene copete di 6 a 9 samwinnes. Ki: asteure ki les polets sont vindous a 7 samwinnes, ces chifes la doevnut dandjreus esse ravancîs.

Damadjes

Å discopeçaedje, on trouvrè :

• areyosaetchite (fibrene dins les saetchs a l' air)
• peritonite (perifoetite)
• pericorite
• boylite (efouwaedje do ptit boyea, purade sol djedjunom)

• 
  Areyosaetchite
• 
  Peritonite (fibrene dissu l' foete)
• 
  efouwaedje des boyeas

Médiaedje

Toplin d' antibiyotikes sont touwants pol colibacile : ampicilene, tetraciclenes, neyomicene, forfenicol, inroflocsacene, sulfamides avou trimetoprim. Li hik, c' est k' les poytîs et les årtisses end ont tant dné k' i gn a toplin d' antibiyo-edurance.

Espaitchance

• Waitî d' aveur des poyons sins micoplasses (dizindjnaedje des micoplasmôzes ås mere poyes).
• Eploctaedje bén tuzé disconte des virûsses corants
• gn a eto des vaccins disconte des colibaciles, mins i sont sovint loukîs come trop tchir po-z eployî dins les poytreyes di polets, wice ki l' wangne est stroete.