Come on bribeu ki cache ès voye (arimés)

Èn årtike di Wikipedia.
Sauter à la navigation Sauter à la recherche
Coviete

Come on bribeu ki cache ès voye (Come in bribeû qui cache ès´ voye), c' est on live di priyires sicrît pa Robert Arcq ey eplaidî dins l' coleccion do Bourdon, ey eplaidî e 2001. Mins li ramexhnêye di tecse date di 1979, sorlon l' adrovaedje da Marguerite Arcq-Biernaux. Mins les eplaideus ont radjouté sacwants tecses ki Robert Arcq aveut leyî dins ses papîs divant d' end aler.

C' est des priyires k' on stî sovint lîtes dins des messes e walon.

Li tite vént do prumî tecse.

Tecse do prumî arimé[candjî | candjî l' côde wiki]

Come on bribeu ki cache ès voye
Nos stans come des bribeus
Sins baston ni muzete
Mwins vudes et bresse schoyants
Bribeus d' amisté
Bribeus d' bouneur
Ki s' è vont, tiesse baxheye, tot seus so les pavêyes
Sins vir k' el solea lût
Rotant sins rlåtche al cache do bouneur
Sins sondjî k' i n' årént k' a lever leus iys
Po l' trover al poirtêye di mwin
Tchôd et lujhant come ene poere meure
Pôves omes si moudris et si scrans
K' i n' savnut sinte ene mwin pezer so leu-n espale
K' i n' savnut pus etinde ene vwès a leu-n oraye
K' i n' savnut pus vir lure l' estoele...
Pôves omes ki vont tiesse abaxheye
Come on bribeu ki cache ès voye