Conneu

Èn årtike di Wikipedia.
(Redjiblé di Coneu)

Po des linwincieusès racsegnes sol mot "Conneu", alez s' vey sol Wiccionaire

Conneu (/kɔ̃.'nøː/, la-minme Con.në /kɔ̃.'nə/[1], fr: Conneux), c' est èn ancyin ptit ban del Walonreye rebané avou Cînè, el province di Nameur.

L' etimolodjeye do no vént do latén collinetum.

Plake di rowe (rowe Grandmont) a Conneu
  • Limero del posse: 5590 (vî limero 5307)
  • Limero diyalectolodjike: D 55
  • Arondixhmint: Dinant

Istwere[candjî | candjî l’ côde wiki]

Les bokets d' rominnès panes ritrovés a Conneu mostrèt ki l' eplaeçmint do viyaedje a stî foirt vite ocupé, et ça do fwait ki s' relief li rindéve foirt åjhey a l' disfinde et k' i gn aveut bråmint des bounès teres tot åtoû.

E 747 on fwait ddja mincion di Conneu dins l' donåcion do Maire do Palå Carloman åzès moennes di Ståvleu.

Dins l' prumire mitan do 12inme sieke les abés di Ståvleu ont leyî aler leus teres di Conneu å Tchapite di Sint-Djhan-l'-Evandjelisse di Lidje

L’Adoration des Mages », triptyque (1ère mitan do XVI in.me e Sièke) pa Pieter Coecke van Aelst , provnant dol cinse Grandmont mètu asteûr dins l'musée des arts décoratifs di Nameur.

Dispoy 1454, djusk' al fén do Vî Redjime les teres do hamtea d' Condjou ont stî inte les mwins del famile de Coppin ki l' lignêye do costé des femes est eco rprezintêye ådjourdu.

Cinse Grandmont a Conneu
Rowe del Citadele a Conneu e 1990

Economeye[candjî | candjî l’ côde wiki]

L' agriculteure et l' esplwetaedje des bwès ont todi stî et sont eco todi les deus moyéns di dner di l' ovraedje åzès djins do viyaedje.

Difoûtrinne hårdêye[candjî | candjî l’ côde wiki]

Triptike di l' Adoråcion des Rwès Madjes provnant del Cinse Grandmont di Conneu - Muzêye des ancyins årts do Namurwès.

Sourdant[candjî | candjî l’ côde wiki]

  1. TG1 p. 84; li dobe N do walon riprezinte li naziåle /ɔ̃/ shuvou d' on N