Contes di m' payis et d' co pus lon (noveles)

Èn årtike di Wikipedia.
Potchî a: naiviaedje, cweri
coviete do live, ki rprezinte "Mignolet", li mwaisse persounaedje del prumire novele

"Contes di m' payis et d' co pus lon", c' est ene ramexhnêye di noveles da Jean-Pierre Dumont eplaideyes på Coirneu e 2005.

L' ehåyaedje ôrtografike e sistinme Feller a stî fwaite pa Bernard Louis, avou l' aidance da Victor Georges.

Les enimådjeures sont fwaites pa Agnès Closset.

Mwaissès dnêyes sol live[candjî | candjî l' côde wiki]

I gn a 171 pådjes di tecse, pår e walon, çou k' endè fwait li pus gros live di prôze racontrece e walon di tos les tins.

Li live riprind cåzu tos les sicrijhaedjes di l' oteur, di 2001 a 2004, avou "Mignolet" a s' tiesse, on ptit roman k' aveut rascodou l' Pris do Coirneu e 2001.

Gn a des totes pitites et des pus longuès noveles.

Les noveles did "co pus lon", c' est sovint el Hongreye, la kel Djhan-Pire aveut rassonré ene måjhone po-z î aler e condjî.

Kitaeyaedje do live[candjî | candjî l' côde wiki]

  • p. 3-10 : pådjes d' adrovaedje (rimerceymints, divant-z-ouve, adrovaedje, prezintaedje des tecses); ele sont scrîtes e francès.
  • p. 11 : adviertixhmint e walon :
Totes ces istweres cial ni sont k' des carabistouyes k' ont mawri e måhaiti cervea da l' oteur. C' est al vude k' on-z î cwirreut ene ravizance avou des djins moites u evikes.
  • p. 13-182 : li mwaisse tecse, tchaeke novele estant datêye.
  • p. 183 : tåve.
  • Coviete cou : prezintaedje do scrijheu e francès avou s' portrait.

Les noveles ki s' pasnut foû del Walonreye[candjî | candjî l' côde wiki]

  • "Itzimer" : disbåtchance d' ene famile hongrwesse souwabe ki rvént e s' payis après ene hapêye passêye e l' Almagne, come "refudjîs".
  • "Edward Madrell" : Complinte å dierin djåzeu do lingaedje gayel di l' Iye di Man.
  • "Li dierin des Carayibes" : li mitan do ptit roman, c' est e l' Amerike, å moumint do disbårkumint des prumîs Espagnols.
  • "Li ptit souneu d' clokes" : Assazinaedje do souneu d' clotche del båzlike del Nativité a Betleyem, pa des mwaisses saetcheus å fizik Israyelîs e 2002.
  • "Szenkut" : perlinaedje des djupsyins di Hongreye.
  • "Pate di robete" : Istwere d' on går-tchesse hongrwès.
  • "Zoly est moirt" : Li crapåde do raconteu vike el Hongreye; si,ome vént d' mori…
  • "L' ome ki côpéve des åbes" : disvoyance des Palestinîs so l' ocupåcion d' Israyel.

Djudjmints sol live[candjî | candjî l' côde wiki]

Li live a stî préjhî pal gazete "Le reflet de chez nous" des scrijheus del Walonreye.

Sacwants lijheus ki tnèt avou les Israyelîs n' ont nén léjhou voltî les deus noveles "Li ptit souneu d' clokes" eyet "L' ome ki côpéve des åbes".

Racsegnes eciclopedikes[candjî | candjî l' côde wiki]

  • so les pailtaedjes (dins "Mignolet", cwand i vike aclapé avou ene veve).

Hårdêyes difoûtrinnes[candjî | candjî l' côde wiki]

Sacwants bokets del ramexhnêye, rimetous e rfondou walon come il avént passé so l' Aberteke.