Conteye di Flande

stindêye diviè 1350

Li conteye di Flande, c' esteut ene conteye do rweyåme di France.

Istwere

Elle a cmincî l' an 843, dj' ô bén å Traitî d' Verdun di pårtixhaedje di l' impire di Tchårlumagne inte ses troes ptits-fis.

Adon ki çou ki va divni l' Walonreye, li Braibant et l' Limbork sont dins l' Lotarindjeye, li Flande est metowe al limotche bijhrece del pårt da Tchåle li Tchenou, ki c' e-st a pô près li France d' asteure. Elle dimeurrè on fî des rwès d' France tote li Mîtrinne Ådje.

Ci n' est k' e 1384 k' ele va intrer dins les Bas Payis borguignons, ey adon si rtrover avou les ôtes bokets del Beldjike a divni.

Sacwants veyes

Li mwaisse veye end a stî Brudje u Gant u Lîle.

Tornè (asteure e l' Walonreye) fijheut pårteye del conteye di Flande. Did la li tchanson «Les Tornizyins sont la», ki cåze des gueres do rwè d' France, ki les Tournizyins arivént todi les dierins sol tchamp d' bataye.

Ôtès veyes : Îpe, Dongléjhe (Dunker, Duunkerke).

Lingaedjes

Les djins djåzént

• des pårlers tîxhons (ki vont divni l' flamind d' asteure mins eto, dins des ptitès coines al fene Bijhe, li tîxhwès braibonî (a Zwijndrecht) et l' zelandès.
• des pårlers romans (k' alént divni l' picård d' asteure).