Cåzaedje (tchanson)

Li cåzaedje d' ene tchanson u les paroles, c' est on tecse ki l' compôzeu va mete ene muzike dissu (l' air, li melodeye). Li ci k' a scrît l' tecse, adon, il est loukî come li cåzaedjisse.

Uzaedje d' on timbe

Ene ôte manire di fé l' cåzaedje d' ene tchanson, c' est d' edvinter des paroles so on timbe (ene air bén cnoxhowe, ey adon sovint foû abondroet). Ça fwait, ç' côp la: sacwants tchansons ont l' minme air, ey adon, li minme pîtaedje.

Egzimpe: «Li pantalon trawé» eyet «Lolote».

Li cåzaedje si pout eto fé so on timbe, pu l' cåzaedjisse diner les paroles a on compôzeu k' edvinte ene ôte muzike. A ç' moumint la, vos avoz des tchansons k' ont pårmint l' minme pîtaedje et l' minme nombe di vers, mins des airs diferinnes.

Egzimpes:

• «Minuit chrétien» eyet l' Tchant des Walons.
• li «Tchanson des studiants del province di Lussimbordjwès» eyet «Todi Walons».