Dîj al dîjène
Dijh al dijhinne
« Dîj al dîjène », c' est l' no d' ene dijhinne di fåves rashiowes dins on live eplaidî pa Èl bourdon.
Istwere
[candjî | candjî l’ côde wiki]Li live a rexhou po l' edicion 2025 des fiesses del Walonreye di Tchålerwè. C' esteut po on spectåke di muzike ki dveut durer 40 munutes, wice k' etur tchaeke tchanson, ene sakî sol sinne citéve onk des dijh tecses.
I gn aveut yeu deus erprezintåcions, ki s' ont passé li semdi 13 di setimbe. L' ene sol Plaece do Manedje eyet l' deujhinme a ene livreye dins l' Passaedje del Bourse.
Contnou
[candjî | candjî l’ côde wiki]Les dijh fåves sont des ratournaedjes di Léon Bernus. Set d' inte di yeusses vegnnut d' Ezope, tins k' les troes restants sont da Faydra. L' atacaedje, c' est ene biyografeye da Léon Bernus sicrîte pa Jean-Luc Fauconnier.
Li live shût l' mode des franwals, metans k' li tecse francès est a hintche eyet l' cogne walone a droete. L' ortografeye uzêye est ene do sistinme Feller.