Dieudonné Salme

Èn årtike di Wikipedia.
(Redjiblé di D. Salme)
Potchî a: naiviaedje, cweri
diviè 1885

Dieudonné Salme (e walon : Doné Såm) a skepyî e 1835 ey a morou e 1911. C' esteut on scrijheu e walon, li prumî k' åye sicrît on roman, "Li Houlot".

Il esteut d' Glin (dilé Lidje).

Il a cmincî a scrire e walon diviè 1858. C' esteut des tchansons et des monolokes.

E 1872, Dieudonné Salme askepeye, avou ds ôtes, li Cavô Lidjwès.

Il a eto scrît des pîces di teyåte, totes comedeyes, mins ki n' ont waire sitî djouwêyes.

Come fijheu d' rimeas, il a-st eplaidî ene ramexhnêye sol tite : "Tonires et blouwets" (1878).

Mins ses mwaissès ouves, c' est, sins manke, ses deus romans : "Li houlot" (1888) eyet Pitchete (1890).

Doné Såm n' esteut nén todi d' acoird avou li spepieusté del SLLW. Nerén, il î a rascodou sacwants pris.

Il est rprins dins l' grosse antolodjeye da Piron.

Di s' mestî, il a fwait d' l' årmurî, pu do fonccionaire ås "Ospices civils".

Hårdêye difoûtrinne[candjî | candjî l' côde wiki]