Dayech

Èn årtike di Wikipedia.
Sauter à la navigation Sauter à la recherche
leu drapea poirté pa on disfindeu

Li Dayech (po «الدولة الإسلامية في العراق والشام» «ed-doûla l-islâmîya fi l-3irâk wa ch-châm», l' estat islamike d' Irak et d' Sireye), c' est on mouvmint politike et militaire islamike ki vola basti on vraiy estat dins les contrêyes sunites di Sireye et d' Irak dins les anêyes 2010.

Istwere[candjî | candjî l' côde wiki]

contrêyes dizo leus mwins e moes d' djun 2014

E 2014, profitant del guere civile siryinne et del flåwisté des Irakyins dins les payis sunites, il avént parvinou a si stinde so ene nouzome sitindêye di tere.

E 2015 les Dayech controlént tot l' Levant del Sireye, et tot l' Coûtchant di l' Irak mågré les bombårdumints di toplin des payis aloyîs disconte di zels.

E 2016, i cminçnut a rescouler divant l' årmêye irakyinne ki rprind Ramadi.

E 2017, e l' Irak, i pierdèt Mossoul (batreye di Mossoul enondêye li 15 di djanvî). El Sireye, ene aloyance di Croudes et d' Arabes siryins lezî rprind Raqa.

E 2018, les Rûsses et les Siryins lweyålisses d' on costé, les Amerikins et l' aloyance Croude-Arabe di l' ôte lezî rprindèt les dierins teritweres åtoû d' Dayr-ez-zor, dins l' Levant del Sireye.

Lûte foû payis[candjî | candjî l' côde wiki]

Atake di Zaventem

I fourît eto dirî sacwants atakes terorisses, inte di zeles, les cenes di Brussele et Zaventem e moes d' måss 2016.

Bateus po Dayech[candjî | candjî l' côde wiki]

Gn ava toplin d' djonneas di tos les payis k' alît s' egadjî avou zels, inte di zels des Bedjes come Tarik Jadaoun.[1]

Dins les scrijhaedjes e walon[candjî | candjî l' côde wiki]

On è cåze dins l' novele «Li måtourné» da Lucyin Mahin, eplaideye e fouyton dins l' Rantoele-gazete, pu dins ene ramexhnêye di noveles, Moudes a rvinde (2018).

Come prôze nén racontrece, sol djudjmint di sacwants irakyins so les Dayech, gn a yeu deus adjåzias da Martial Ledecq, on cérudjin walon k' ovréve po MSF k' a stî deus côps a Mossoul. Il ont stî ramexhnés pa Lucyin Mahin.[2]

Sourdants[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou les Dayech .
  1. Li Rantoele 86, esté 2018
  2. Li Rantoele 82, esté 2017 eyet 86 (esté 2018).