Diyalectolodjeye

Èn årtike di Wikipedia.
(Redjiblé di Dialectolodjeye)
mape diyalectolodjike po l' etroclé årtike «do»
Prezintaedje d' ene mape éndjolike pol picård

Li diyalectolodjeye, c' est ene coxhe del linwince ki studeye les diferinces inte les diyalekes d' ene plaece a l' ôte, k' i soeyénxhe u nén dins l' minme lingaedje.

Li diyalectolodjeye do walon est studieye so ene pådje tote seule.

Mwaissès dnêyes[candjî | candjî l’ côde wiki]

Les diyalectolodjisses vont trover des djins skepyîs dins l' payis, et ki djåzèt coranmint l' pårler. I les lomèt des "temoens". I lzî dmandèt di ratourner des mots, sovint dins li spotchant lingaedje, eviè l' pårler do payis. Les diyalectolodjisse ki cnoxhnut eto li mancî lingaedje polèt ovrer avou les temoens a môde di responda.

Après, i dessinèt des mapes tot croylant les plaeces la k' i gn a li pus d' adire inte deus pårlers vijhén. C' est les faxhenes d' izoglosses.

L' ovraedje tecnikes des diyalectolodjisses vént todi bén a pont po les rfondeus. C' est zels, metans, ki mostrèt les limodjes d' on pårler k' on vout rfonde.

Mins l' diyalectolodjeye sipåde ossu dins on lingaedje nén co ehåyî ki l' idêye tote fwaite ki les pårlers sont foirt diferins inte n' on l' ôte. Ciste idêye la divént on fel arayoe po li rfondaedje d' ene langue.

Temoen diyalectolodjike[candjî | candjî l’ côde wiki]

Po bén fé, li temoen diyalectolodjike, c' est ene djin k' a vnou å monde el plaece ki li diyalectolodjisse situdeye. Et ki n' l' awè nén bråmint cwité. Et ki c' est l' lingaedje di s' mame. Et ki cåze å pus sovint dins ç' lingaedje la avou les djins k' i vike avou zels, ki divrént eto esse do minme payis.

Istwere del diyalectolodjeye[candjî | candjî l’ côde wiki]

Li diyalectolodjeye, come syince, a skepyî al fén do 19inme sieke.

Mapes diyalectolodjikes[candjî | candjî l’ côde wiki]

Les diyalectolodjisses bastixhnut voltî des mapes la k' i rpoirtèt li spårdaedje des diferins sinonimes, u les diferins prononçaedjes d' on mot.

Hårdêyes divintrinnes[candjî | candjî l’ côde wiki]