Disdjocaedje di Nicolás Maduro påzès Uyessês

Operation Absolute Resolve

Li prezidint do Venezwela disdjoké, Nicolás Maduro, dins l' navire ki l' amoenne åzès Estats Unis po esse djudjî.

Li disdjocaedje do prezidint do Venezwela, Nicolás Maduro, påzès Uyessês s' a passé tins del nute do 3 d' djanvî 2026, sorlon l' eure di Nameur. L' operåcion estazunyinne est cnoxhowe sol no : Absolute Resolve.

Istwere

Les Uyessês s' ont amoenné avou des bateas d' guere dins l' Mer des Carayibes. L' adierça, ci sreut d' toursi conte li handele di drouke, foiravant avou les cartels ki vegnnut d' Amerike latene.

Des bateas ont ddja stî ataké, ca l' govienmint estazunyin a ametou l' Venezwela d' endè uzer po transpoirter l' drouke viè les céncwante Estats. Cwek' les medias d' èç payis la scrijhnut ostant k' ele passe puvite på Coisse pacifike, adon k' elle rimonte diski drola på voye. La eto k' l' ONU n' est nén d' acoird avou les dijhaedjes do govienmint des Uyessês.

Tins del nute do 3 d' djanvî 2026 sorlon l' eure di Nameur, les militaires ont ataké avou des missiles li payis d' Amerike nonnrece. Sacwants d' inte di zels ont tcheyou so on camp militaire. Termetant k' Nicolás Maduro s' a fwait prinde avou s' feme, todi på minme årmêye. Li Venezwela s' a, shuvanmint, declaré e-n estance di strapance.

Tins del transicion democratike, Donald Trump aveut clatchî, å cminçmint, k' les Estats Unis dalént vierner l' payis. Kécfeye k' asteure li povwer sreut dins les mwins da Delcy Rodriguez, el vice-prezidinte.

Reyaccions

Po

E l' Walonreye, mwints politikîs, come Georges-Louis Bouchez, ont dit proficiate ås disdjokeus, tot elaidant l' comunisse. L' opôzucion venezwelyinne dimande a çou k' Edmundo González Urrutia, candidat ås vôtaedjes di 2024 pol prezidince, monte å povwer.

Troes tchîfs d' Estat nonne-amerikins ont proficiaté l' inlevmint d' Nicolás Maduro : José Jerí (Perou), Javier Milei (Årdjintene) eyet Daniel Noboa (Ecwateur).

E-n Urope, li prezidint francès, Emmanuel Macron ecoraedje voltî Edmundo González Urrutia a prinde el plaece da Nicolás Maduro. Avou ça k' el tchançlî tîxhon, Friedrich Merz, a clatchî k' l' Almagne ni ricnoxheut nén l' prezidint do Venezwela, cåze des herlemes avou les vôtaedjes, tot ecoraedjant eto l' passaedje democratike do povwer, del minme manire ki Giorgia Meloni, prumire minisse di l' Itåleye.

Neute

Li govienmint bedje n' a nén co prindou pozûcion. El minisse do dfoûtrin, Maxime Prévot, rlouke purade a comint çou k' les Bedjes låvå si sintnut avou les etrevéns. Li Rweyåme-Uni ît conte el termene da Nicolás Maduro,, li prumî minisse di låvå, Keir Starmer, a noyî ene etervincion burtaenike.

Conte

Do costé do PBB, Nicolás Maduro est rwaitî come èn egzimpe a shuve. Shuvanmint, ci mouvmint ci codåne li disdjocaedje. Todi a gåtche, li PS dinonce èn inlevmint ey on fijhaedje vnant do l' imperiålisse estazunyin. Li govienmint venezwelyin ni s' mostere nén binåjhe avou eyet codåne li govienmint estazunyin. Houte di çoula, dins l' monde politike estazunyin, bråmint des mimbes do Pårti democrate, mins eto do pårti republikin, sont mwais après l' govienmint d' leu payis. Ces djins la rwaitnut l' disdjocaedje tot-z estant foû-lwès, veyanmint k' i n' ont nén rçuvou l' otorijhaedje do Congrès estazunyins ubén stî atakés padvant.

Li Colombeye a dmandé on raploû do Consey di såvrité di l' ONU. Ci payis ci a metou ene pekêye di ses militaires al frontire avou l' Venezwela po-z espaitchî ene hierdulêye d' ebagant d' ariver. Ene reyaccion pareye a stî prindowe på Gwiyane, veyanmint k' èç payis la est djusse å Levant. Li madjorité des tchîfs d' Estats do minme continint ont codåné l' etrevén.

E-n Urope, minme ki l' Espagne n' aveut ddja nole afiyance po les vôtaedjes venezwelyins di 2024, mins, contråvmint å Rweyåme-Uni, ci payis ci voet evi l' môde avou l' ci k' les Uyessês ont ovré. Tins k' el Rûsseye, avou l' vwès d' ès minisse do dfoûtrin, rwaite l' operåcion amerikinne, tot-z estant ene « ataeke årmêye ».