Djoû Laansra

côpaedje d' ene troke djusse maweure li djoû Laansra

Li djoû Laansra (e l' arabe marokin لعنصرة, l3ənçra ^{aschoûtez lu}; e cmon amazir marokin, ⵍⵄⵏⵚⵕⵜ, l3ənçəṛt), c' est on djoû rmarcåbe do calindrî amazir. I tome li 7 di djulete.

Mwaissès piceures

Ci djoû la, e l' Afrike bijhrece, li timperateure kimince a bén monter.

Divins les plinnes, c' est li cminçmint del codåjhe des fikes, des fikes amazirs, des roejhéns.

Les dinrêyes d' awousse, k' ont stî mexhnêyes e moes d' avri et may, polèt siervi. Insi, on cmince a boledjî l' frumint, ca on dit k' elle ont «passé l' Laansra». Et a magnî les grossès féves.

Dins les pîmonts, les bierdjîs s' aprestèt a ndaler waidyî ezès montinnes.

Les moxhîs atacnut a rascode li låme.

Doûcès creyances

On vout ki l' mer divegne doûce (sins sé) ene eure å long. Mins on n' sait nén a kéne eure.

On dit eto ki les pexhons (d' mer) disparexhnut ci djoû la.