Djournêye di l' Urope

Èn årtike di Wikipedia.
Potchî a: naiviaedje, cweri

E l' Urope, li 9 di may, on fiestixh li declaråcion da Robert Schuman do 9 di may 1950. Ci djoû la, Robert Schuman, li minisse francès des dfoûtrinnès afwaires d' adon, propôza di mete e cmon totes les usteyes di produjhaedje di tcherbon et d' acî del France et d' l' Almagne eyet d' elzès fé manaedjî pa èn Hôte Otorité. Èn an pus tård, ces deus pays la, avou li Beldjike, li Lussimbork, les Bas-Payis eyet l' Itåleye, vont mete so pî li Cominålté uropeyinne do tcherbon et di l' acî.

On rwaite ci declaråcion la come li nexhance del Cominålté uropeyinne eyet di l' Union Uropeyinne.

Li 9 di may est on djoû d' condjî dins les institucions uropeyinnes, la k' on lome si djoû la, po balter, li Sint-Schuman.