Djustin Titorval, one linwe ki va so tot (live)
Djustin Titôrvå, ene linwe ki va so tot
Djustin Titôrvå, ene linwe ki va so tot (Djustin Titorval, one linwe ki va so tot), c' est on live d' imådjes avou des tecses da Joël Thiry et des desséns da José Schoovaerts k' a parexhou e 2011, eplaidî på Muzêye do Pårlaedje e l' Årdene.
Istwere do pordjet
[candjî | candjî l’ côde wiki]Come prof di sgondaire, Joël Thiry aveut rashonné des responses comikes di ses scolîs dispu sacwants anêyes. Djozé Schoovaerts askepia don li personaedje do professeur Titôrvå (ki lyi rshonne come deus gotes d' aiwe). C' est l' prof k' adrouve li prumire imådje tot dnant scole et dmander des kesses a ses scolîs, ki respondèt todi drole.
Les caricateures des djins ont stî emantcheyes a pårti d' fotos di waloneus u d' camaerådes des deus oteurs. C' est don des ctoirdowès imådjes di vîs scolîs et scolresses.
Prezintaedje
[candjî | candjî l’ côde wiki]Tchaeke pådje est fwaite di cwate imådjes, a môde do Tchet da Geluck. Rålmint, end a k' troes, cwand gn a deus d' metowes eshonne.
Li cwatrinme est sovint l' cene la ki li scolî u li scolresse låtche ene biestreye.
Les bouyotes sont scrîtes e Feller-Francard.
Totes les plantches sont sinêyes «Djozé».
Å pî del pådje, gn a l' ratournaedje e francès des tecses walons.
Egzimpe di plantche (sins l' ratournaedje e francès)
