Eli Michel
(Redjiblé di E. Michel)
Eli Michel a skepyî e 1930 et a morou diviè 2000. C' esteut on scrijheu d' arimés e walon.
A redjårbé e walon des tchansons da Ferré (Pôve di mi, Fiesse) et da Brel (Mi Hesbaye, pol "Plat Payis").
Eli Michel esteut d' Sint-Djwer. Mins i n' sicrijha nén todi dins si accint foirt coinrece.
Il aveut cmincî a maxhî les walons, aprume dins "Mes cwate såjhons e Fagne", on powinme sinfonike.
Eli Michel esteut foirt afranki des rîles do pîtaedje des vers, dijhant ki l' pîtaedje, come li rime, c' est des sclåves ki n' divèt fé ki d' schoûter.
Il a rascodou l' Pris del Veye di Lidje.
Riprins dins l' antolodjeye «Scrire», ene schorseye di tecses k' il a aidî ramexhner.