Côde sourdant di «Ecefalite do Nîl coûtchantrece»

L' '''incefalite do Nîl coûtchantrece''', c' est ene [[ecefalite]] (maladeye del tiesse) des [[tchvå]]s ki sont hagnîs d' on [[picron]] k' edjîstrêye li '''virûsse do Nîl coûtchantrece'''. Li minme maladeye pout acsure les [[djin]]s et les [[oujhea]]s, copurade les pareys å [[coirbå]].

[[Imådje:NIAID-west-Nile.jpg|thumb|Li rascråwant virûsse]]

== Spårdaedje ==
[[File:Epidemije GZN.gif|thumb]]

Li maladeye provént d' [[Afrike]]. Elle a stî trovêye pol prumî côp e l' [[Ouganda]] e 1937 , dins l' [[province]] do [[Nîl]] coûtchantrece, dins l' sonk d' ene djin k' aveut ene miete di five. Ça a stî eplaidî e 1940.

== Cas dins les tchvås ==
Les prumîs cas dins les tchvås malådes ont stî discrîts e l' [[Edjipe]] e 1963.&nbsp;<ref>Schmidt, J.R., El Mansouri, H.K. (1963) ''Natural and experimental infection of Egyptian equines with West Nile virus''; Ann. Trop. Med. Parasitol. '''57''', 415-427.</ref> 

E l' Urope ci fourit el France, après l' [[Mîtrinne Mer]], diviè 1970.&nbsp;<ref>Joubert L. et al (1974), Bull. Soc.Sci. vét Méd comp. Lyon, '''76''', 255.</ref> 

Li maladeye a stî ricnoxhowe e [[1996]] do costé d' [[Larache]] å [[Marok]] (94 tchivås, [[moulet]]s et [[ågne]]s crevés et declårés a l' [[OIE]]). &nbsp;<ref>Hassan Iraqui, ''Contribution à l'étude sérologique et entomologique de la maladie West Nile dans la région de Larache'', Teze di medcene veterinaire, Rabat, 2006''.</ref>

On l' a rtrové e 2000 el France (el [[Camargue]]), pu co e 2003.

On l' a co on côp rdeclåré å Marok e 2003 todi dins les plinnes do Gharb (dilé Kenitra). So 9 tchivalrins. Li minme anêye, on-z a rveyou l' maladeye el [[France]].

== L' ecefalite d' esté / paralizeye do farink des tchvalidîs dins les Douccala, est ç' do Nîl coûtchantrece ? ==
Dispu les anêyes 1990, on a rescontré dins les viyaedjes des [[Douccala]] metous nén trop lon del [[Oceyan Atlantike|mer]] ene maladeye nierveuse des [[tchvalidî]]s (tchivås, moulets, ågnes) ki l' cogne clinike li pus corante, c' est l' paralizeye del goidje. Mins gn a eto des cas d' [[ecefalite]] awiyante.

Ele si voet purade del fén do moes d' djun disk' å moes d' setimbe.<ref>{{fr}} [[Lucien Mahin]], ''L' Espace vétérinaire'', Cazablanca, decimbe 2013.</ref>

Li maladeye pôreut esse cåzêye på virûsse di l' ecefalite do Nîle coûtchantrece, k' on è rtrove des anticoirs dins l' sonk des tchvås dins des ôtès coines do Marok avou les minmes [[biyonaxhe]]s.<ref>{{fr}} Iraqui Houssaini Hassan, come cial ådzeu.</ref>

<gallery>
File:Moulet paralizeye goidje trefe boke.jpg|Moulet paralizé del goidje wårdant des clåves el boke
File:Moulet paralizeye goidje volant boere trefe boke.jpg|Moulet volant boere wårdant do trefe el boke
File:Moulet paralizeye farink abatmint.jpg|Moulet peneus (paralizé del goidje)
File:Moulet paralizeye farink raetchote1.jpg|minme moulet, coraedje di raetchote
File:Moulet paralizeye farink raetchote2.jpg|parey
File:Ecefalite d' esté tchivå pestelaedje tiesse.jpg|Pestelaedje d' on tchvå sol fén
File:Ecefalite d' esté tchivå ouy efouwé.jpg|ouy efouwé (minme tchivå)
File:Papî maladeye ecefale.jpg|Papî e francès sol maladeye
</gallery>

== Sourdants & pî-notes ==
<References/>

{{Commons|Category:West Nile virus}}

[[Categoreye:Tchivås]]
[[Categoreye:Oujheas]]