Flayea

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "flayea", alez s' vey sol Wiccionaire

Posteures ki batnut å flayea

On flayea[1], c' est ene usteye des cinsîs did dinltins, fwait di deus bwès emantchîs eshonne pa on corion d' cur, et k' i bouxhént avou so les djåbes di dinrêyes po lzès bate.

Bataedje å flayea[candjî | candjî l' côde wiki]

Li bataedje å flayea si fjheut purade di l' ivier, sol batire u aire di gregne. On djheut kel bateu flayive so les djåbes.

Gn aveut sovint deus u cwate bateus ki flayént e minme tins, ça fjheut on brut ki riméve l' ovraedje : tipe et tape et tipe et tape.

Cwand c' esteut do swele po fé des toets di strin, on n' pleut nén bate å flayea.

Les pîces do flayea[candjî | candjî l' côde wiki]

Flayea Boulard.png
  • li mantche u mantegne :1.50-1.80 metes long.
  • li fier k' est å dbout do mantche : ferome u veroûle.
  • L' anea metou å dvout do fier
  • Li boket ki bouxhe so les grins : li ma u l' make u l' mårtea, u l' bate u l' bata u l' batire: 60 cm long.
  • Li tchape di cur metowe å dbout do bata.
  • Li loyeure, u les corietes, u l' acope, u l' acopleure, u l' cur : gros corion d' cur ki passe deus a troes côps dins l' tchape et dins l' anea, et ki tént les deus mwaissès pîces eshonne.

Sourdants[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou les flayeas .
  1. Po tos les prononçaedjes e walon, loukîz al notule ALW 1 43.