Frédéric Collignon
Frédéric Collignon, c' est on rlomé djouweu d' kikere walon. Il a nexhou li 13 di decimbe 1975 ey i vént do costé d' Lidje.
Victweres
[candjî | candjî l’ côde wiki]Frédéric Collignon a wangnî bråmint des tchampionats. Ki ci soeye e simpe ubén e dobe.
Metans il a stî tchampion shijh côps mierseu al Federåcion, e : 2005, 2006, 2007, 2008, 2011 eyet 2012. E dobe, li tchampionat daegnrece n' a stî askepyî k' e 2007. I a finixhou prumî deus ans avou Ismaël Saban e 2007 et 2008. Adonpwis, il a stî ké on tite avou Tom van de Cauter, e 2012. Foû des tchampionats daegnreces del Federåcion, il arivéve sovint prumî, mierseu ubén a deus, inte 2004 yet 2015.
Tot rwaitant les opens, Frédéric Collignon end a wangnî set tot seu, e : 1999, 2000, 2002, 2004, 2005, 2007 eyet 2012. E dobe avou Todd Loffredo, il a stî al miercopete etur 1998 eyet 2002. Epwis, deus e 2004 et 2007. Ene rîlêye di cwate victweres a shuvou etur 2009 eyet 2012.