François Walthéry

Èn årtike di Wikipedia.
(e 2002)

François Walthéry, c' est on dessineu d' binddimådjes k' a vnou-st å monde li 17 di djanvî 1946 a Årdjetea.

Cårire[candjî | candjî l’ côde wiki]

I rexhe del sicole di Mårcinele eyet cmince avou Peyo e 1962, pu askepyî si prôpe persounaedje, l' otesse di l' air Natacha (1967). Mins c' est si dessinaedje so les colebeus walon dins «Li vî bleu» (1974), k' el va fé moussî a djonds pîs emey les cis k' on fwait bråmint pol rivicance do walon al fén do 20inme sieke. “Li vî bleu”, si modêye e walon est saetcheye a 20.000 egzimplåres, et va esse léjhowe pattavå l' Walonreye, årvier des ôtes sicrijhaedjes e walon, ki n' si vindèt ki dins leu ptite coine.

Emey les ôtes alboms da Walthéry ratournés e walon: Tchantchès (1988), et l' rîlêye “Li ptit bout d' tchike”, on persounaedje da Walthery, riprind e walon pa Mitteï. Dins totes ses bindes d' imådjes, k' il est dessineu et sinnarisse, i mete mo voltî des mots-brut e walon, come bardaf° (li no del copagneye d' avion da Natacha), cwîk, evnd.

Dispoy 1993, i fwait ene novele séreye ki l' eroyinne si lome Rubine.

E 2011, li deujhinme tôme do Vî Bleu rexhe, al fén des féns (li sinnariou est presse dispu 1981), ås Eplaidreyes Noer Dessén.

Pitite istwere di sacwants ouves[candjî | candjî l’ côde wiki]

Ene di ses Natacha (La ceinture de Cherche-Midi) s' aspoye dissu "La ceinture noire", on «Jacky et Célestin» k' a parexhou dins les anêyes 60 ezès pådjes do «Soir Illustré». Li sinnariou come l' idêye estént da José Schoovaerts ki s' muchive dizo l' no d' pene da "José-Charles Ghislain".

Ôtes alboms radjustés e walon[candjî | candjî l’ côde wiki]