Fåcnidîs

Les fåcnidîs, c' est l' famile des fåcons.

E sincieus latén : Falconidae

Discrijhaedje

Les fåcnidîs, c' est des moxhets k' ont des pondantès aiyes.

Beacôp did zels sont-st aclevåves, et eployîs el fåkinreye.

Vicaedje

Årvier des ôtes moxhets, les fåcnidîs, come sovint les oujheas d' nute magneus d' tchå :

• ni schitèt nén å lon, mins dizo zels.
• i n' poirtèt nén å ni, mins acover dins des trôs d' rotches, des tchabotes d' åbes u dins des rwenes.
• i touwèt leu proye tot lzî coixhant l' hanete.
• i n' magnèt k' des proyes k' il apicèt vicantes.
• i tnèt leu-z amagnî d' ene seule pate.
• i hosnut leu tiesse cwand i loukèt å lon.
• les djonnes xhuflèt po fé sogne u cwand i sont mancî.

Sacwants sôres

• Cressale (Falco tinnunculus, li seu fåcon corant el Walonreye; e-n arabe marokin “bo-amira”; nén aclevåve).
• Fåcon pelrin (Falco peregrinus, ki dmeure u passe pacô el Walonreye; e-n arabe marokin “tir el hor”, franc oujhea; aclevåve).
  • Fåcon amazir (Falco pelegrinoides pelegrinoides) e-n arabe marokin “bahri”, fåcon des mers).
  • Fåcon pelrin do Nôr (Falco peregrinus culidus) e-n arabe marokin “nebli”, "air d' årbalete").
• Grand blanc fåcon do Nôr (Falco rusticolus).
• Fåcon do dezert (Falco biarmicus, e-n arabe marokin “berni”, fåcon des teres; nén aclevåve).
• Fåcon ås colons (Falco columbarius).
• Fåcon d' Edjipe (Falco cherrug).

Hårdêye difoûtrinne

• Videyo avou sacwants fåcnidîs