Gozåd
Li gozåd 
aschoûtez lu, c' est ene påstedjreye avou deus coûtches di påsse, et des fruts (u do poudingue), å mitan.
Les fruts sont sovint a ptits bokets (pemes), des côps tot etirs avou l' pirete (pronnes, rilévé a Horion).[1] Mins pacô, on les spotche (côrin d' biyokes).
Li gozåd est diferin del rombosse la k' on mete ene peme etire.
Li tåte ås matons, fwaite avou del makêye, des amandes, des masteles et del påsse di peme, c' est ossu ene sôre di gozåd.
ås pemes, fwait e l' måjhon
li minme, drovou
å côrin, då boledjî
Sôres di gozåds
[candjî | candjî l’ côde wiki]Li gozåd pout esse fwait a môde di rcovrowe dorêye, di ronde cogne, del minme sipexheur totavå. C' est l' gros gozåd.
On l' sait fé eto a môde di gozete, mins avou pemes a bokets. Il ont l' cogne d' on triyingue, bôgyî d' on costé, et pus tene so les deus ôtes boirds k' ont stî raplakés po bén reclôre les fruts : c' est l' coirnou gozåd.
Dinltins, les gozåds esteut fwait avou des restants d' påsse di pwin (sins boure ni souke), k' on cujheut avou l' cûtêye di pwins.
On fjheut on rond d' påsse, mete les fruts so ene mitan, pu rtourner l' ôte mitan d' påsse dissu les fruts.[2]
On pleut rmete do boure et do souke sol covra, po l' rinde pus crostiyant et rassawourant.[3]
Li gros gozåd esteut waitî pa les cinsîs come ene tåte tote fwaite. Dj' ô bén k' on n' diveut nén mete do boure et des tchitchons sol pwin, adon i n' faleut nén tant d' tins å ovrîs po rciner. A Viyé-l'-Veke, on l' pårtixheut a cwate, et tchaeke awoustî end aveut on cwårtî. Cwand on fjheut des coirnous gozåd, pus ptits, tchaeke awoustî end aveut ene mitan come ramexhné a Limont.[1]
