Guere civile espagnole

Èn årtike di Wikipedia.

Li guere civile espagnole (ou co Guere civile d' Espagne), c' est ene guere civile e l' Espagne, après k' ene pårteye di l' årmêye eyet del wåde civile åye sayî d' fé on côp d' Estat fachisse siconte del Deujhinme Republike Espagnole.

Li guere dura do moes d' djulete 1936 disk' e moes d' avri 1939, et finixha pal dobleure des republikins eyet l' vinkixhaedje des frankisses. Adon-pwis s' metaedje so el dictateure fachisse då djenerå Francisco Franco ki dura disk' ås anêyes 1970.

Pårteyes afrontreces[candjî | candjî l’ côde wiki]

Les frankisses, kimandés pa Francisco Franco, estént sotnous pa les payis foirt a droete d' Urope (Portugal, Hongreye, Almagne, Itåleye).

Les republikins estént sotnous pa les payis comunisses (URSS, et payis assoçnés al 2inme Eternåcionåle). Sol terén, gn aveut ossu des volontaires socialisses di tos les payis d' Urope.

Rapoirts avou l' Beldjike[candjî | candjî l’ côde wiki]

E 1937, les republikins touwèt Jacques de Borchgrave, èn eployî a l'ambassade di Beldjikea Madrid, k' il ametèt d' espionaedje po les frankisses.

L' afwaire va mete cou dzeu cou dzo li govienmint bedje d' adon (PSC-PLP-PS). Emey les socialisses, Emile Vandervelde (adon minisse del santé) vout k' el Beldjike si rclame disconte Franco. På-Hinri Spaak, minisse des afwaires difoûtrinnes, eyet Paul Van Zeeland, li prumî minisse, volèt k' el Beldjike dimore neute. Disbåtchî d' çoula, Vandervelde va taper l' cote sol håye (26 di djanvî 1937).[1]

Sourdant[candjî | candjî l’ côde wiki]

  1. Arnaud de la Croix, « Degrelle 1906-1994 », Edicions Racine, Brussele, ISBN 978-2-87386-982-3, p. 87.