Gåme

Li Gåme, c' est on payis metou a Nonne del Province do Lussimbork, est ki rascove pår l' arondixhmint d' Vierton. Li Gåme eyet l' Payis d' Årlon fwaiynut eshonne li Lorinne bedje.

Li Gåme francesse, c' est les sacwants viyaedjes djusse metou a l' aschate, come Mådî, Avio, Mårveye (Marvile).

Les cis d' avår la sont lomés gåmets et gåmetes.

Li lingaedje dilérece del Gåme, c' est l' gåmès, ene sôre coinrece do lorin.

Djeyografeye del Gåme

Li Gåme est pus basse ki l' Årdene, et il î fwait pus doûs.

Inte l' Årdenne eyet l' Gåme, gn a les 3 coisses lorinnes.

Sitouwåcion

Li Gåme est on payis pus plat k' l' Årdene, et metou pus bas. Il î fwait bråmint pus doûs e l' ivier. Inte l' Årdene eyet l' Gåme, gn a troes coisses. Li Gåme si continouwe sins ahikes pal Lorinne francesse et på payis d' Årlon.

Aiwes

• L' aiwe di Smwès, ki vént djusse di soude dilé Årlon et ki dmeure gåmete disk' après Bouyon.
• L' aiwe di Ton ki prind sourd a Sint-Ldjir, et cwiter l' Gåme a Tôrnî po raiwî l' Lorinne di France.

Veyes del Gåme

• Vierton, li mwaisse-veye di l' arondixhmint.
• Floravile.
• Tchini, k' a stî on djoû ridmandêye pa Louwis XIV, et k' ça a amoenné des gueres so tote li Walonreye.
• Belfontinne, li miercorin del Gåme (si "botroûle").
• Djamogne, k' motoit dné s' no al Gåme.

Economeye

Come li restant del Lorinne, gn a bråmint do fier dins l' tere del Gåme, et gn a yeu des foidjes di tos tins.

Tuzance

• Muzêye gåmès a Vierton.
• Academeye des patwès gåmès ki s' rapoûléve a Belfontinne.