Hubert Haas

Èn årtike di Wikipedia.
(Redjiblé di H. Haas)

Li Wiccionaire si rsieve di sacwants fråzes da "Hubert Haas" po-z enimådjî des mots k' i gn a.

diviè 1970

Hubert Haas, c' est on scrijheu e walon k' a skepyî li 23 d' awousse 1919 a Tcheslet. Il î a morou e 1976.

Il est rprins dins l' antolodjeye Fleurs diyalectåles et dins l' Antolodjeye Scrire.

Di s' mestî, il esteut electricyin et watman a "Solvay".

Ouve e walon[candjî | candjî l’ côde wiki]

Il a scrît des arimés, d' on livea del vraiye powezeye. Il est dins l' mouvmint del powezeye imådjrece des djins come Georges Smal et Jean Guillaume.

I wangna s' prumî pris di scrijhaedjes e walon e 1968, al bate metowe so pîs po les 20 ans do Bourdon. Après, i moussa a l' ALWAC. Il a bråmint aprins avou Emile Lempereur.

E 1982, il eplaide ene ramexhnêye d' arimés, «Pal craeye d' ene pitite voye».

Corwaitaedje di ses powinmes[candjî | candjî l’ côde wiki]

Motlî[candjî | candjî l’ côde wiki]

Foirt ritche : vocial sacwants mots k' on-z î pout rilever

Rite et zunance[candjî | candjî l’ côde wiki]

I plaece voltî l' addjectif divant l' no :

Vo schårdêye imådje ki prind veye
Après l' eure do prumî ddjuner [1]
Mins k' avoz, feme, dissu vo tiesse ?
(...)
Ni sereut ç' nén vo tcheyåde djonnesse
Ki s' ertaenreut påzès mwais tins ? [2]

Il eploye voltî li shûte addjectif femrin pluriyel metou padvant (avou l' cawete -ès)

Påjhirès crosses, catcheyès stoeles,
Rachidès eures d' ene taeye di pwin, [3]

Hårdêyes difoûtrinnes[candjî | candjî l’ côde wiki]

Sourdants[candjî | candjî l’ côde wiki]

  1. "Pwin d' agaesse", divins "El Bourdon".
  2. Poussire di transe, divins Antolodjeye Fleurs dialectales, pu rprins dins l' antolodjeye Scrire.
  3. "Pwin d' agaesse", come ciddé ådzeu.