Haloe (Braibant)
Haloe (la-minme, Alwè), c' est on hamtea avou on rlomé tchestea metou so l' ancyin ptit ban d' Braibant.
Li hamtea d' Haloe a dné les nos d' famile "Halloy" u "d' Halloy" (come sicrît a môde namurwesse), et kécfeye bén eto, sicrît a môde del Principåté d' Lidje, "Halleux", "Dehalleux", "Dehaleux". Des romés mimbes di cisse famile la, ci fourit Djihan d' Haloe eyet Djihan-Batisse d' Omaliusse di Haloe
Istwere
[candjî | candjî l’ côde wiki]El Moyinådje, Braibant n' esteut k' on hamtea, adon k' Haloe, c' esteut ene grosse signorreye, avou on tchestea k' egzistéve dedja å 11inme sieke, et k' a stî pår dibrôlé tins del Guere del vatche (1275-1278). Li tchestea d' Haloy esteut ene des doze dimorances do prince-eveke di Lidje. Li bayî do Condroz, k' î dmoréve, esteut li rprezintant do prince-eveke.