Henri Pétrez

Èn årtike di Wikipedia.
(Redjiblé di Henry Petrez)
Sauter à la navigation Sauter à la recherche
(diviè 1950)
Coviete del prumire ramexhnêye di fåves da H. Petrez
coviete di «Fleuru dins m' vicåreye»

Henri Pétrez, on scrijheu e walon, sipoté el Baron d' Fleuru a skepyî e 1886 et mori e 1967.

Il a moussî dessineu dins ene casrolreye a l' ådje di 13 ans. I va aprinde a scrire e walon avou Jean Wijns et rexhe docô des pîces di teyåte eyet des tchansons. Li prumire did zeles, "On concours di galants", fourit ene operete, djouwêye e 1909. I moussa-st a l' A.L.W.A.C. e 1908 et ås Relîs Namurwès e 1920. Il a bråmint eplaidî dins l' Bourdon. E 1948, i vude on limero des Cahiers Wallons rén k' por lu, avou deus ramexhnêyes di powinmes "L' an cwarante" eyet "Fleurs et fruts". On rmete ça e 1953 et c' est "Moman" ene longue powezeye po s' mame.

Mins Hinri Pétrez, c' est aprume les "Fåves do Baron d' Fleuru", des fåves ki li prumire volêye mousse foû e 1928, li deujhinme e 1933, li troejhinme e 1950, li cwatrinme e 1956 eyet li cénkinme e 1999, après si moirt. C' est des fåves å pus sovint a môde da Lafontinne avou des biesses, mins måy ricopieyes so Lafontinne. Li deujhinme eyet l' cénkinme volêye sont wårnis di beas desséns e coleur da Elizabeth Ivanovsky.

Si a-t i scrît troes lives di prôze: "Fleuru dins m' vicåreye", publiyî e 1960, eyet "Tambu Tambe, blanc negue" et "Mi testamint di scrijheu", les deus dierinnes nén eplaideyes. A stî relî come mimbe del S.L.L.W. e 1932 et a rascodou li pris do govienmint po "Fleuru dins m' vicåreye" e 1962.

Dissus si tombe dins l' cimintire di Fleuru, il est scrit: "Walon en Djokant Divant M' Cwes / Euchoz en' Pinseye en Patwes / Henri Petrez / Scrijeu Walon / 1886 - 1967".

Hårdêye difoûtrinne[candjî | candjî l' côde wiki]

Li pådje do Baron d' Fleuru so l' Aberteke