Imådje picsele

Ciste imådje ci, c' est ene bitmape, k' est onk des fôrmats d' imådje picsele. Cwand on zoume, on voet bén k' el finté, ki n' a nén candjî, a discrexhou.

L' imådje picsele, c' est ene imådje limerike adjinçnêye avou des ponts ubén des cwårés, virpus des rectingues. Pus les picsels sont tenes, pus l' imådje picsele a ene meyeuse finté.

Rotaedje

L' imådje picsele rote del minme manire k' ene mozayike, veyanmint k' elle est adjinçnêye avou des fômes djeyometrikes. C' est po çoula ki, cwand on zoume, l' imådje dvént moens nete, åré si on candje el finté. On-z el a uzé, prumirmint, po-z aveur l' imådje so les tévés. Il årè falou ratinde el dijhnêye 1990 po-z endè vir so les copiutreces poirtåves.

L' imådje picsele s' ertrouve dins sacwants fôrmats grafikes, metans li pus peupreces : li djipegue eyet li péyendjé. La eto k' c' est k' on-z a avou les djifs ki sont des imådjes rotant al manire d' ene coûte videyo.