Intincions (a messe)

Pol discramiaedje des årtikes avou l' mot « intincion », loukîz cial.

Les intincions u: li priyire po tertos dins ene messe catolike, ortodosse, anglicane u protestante, c' est ene priyire k' on dit al fén del liturdjeye del parole (dins les catolikes. On î dmande l' aidance do Bon Diu po tos les cis ki sofrixhèt, et po l' kiminålté del pårotche et les mwaisses des eglijhes et des payis.

Contnou

Gn a sovint cwate sudjets k' on preye po

• po l' påpe, les evekes, et les ouves di l' Eglijhe
• po les grandès rujhes des payis, di totavå Daegne
• po les cis ki sofrixhnut
• po les djins del pårotche, k' i fouxhénxhe la u nén

Istwere

Dedja sint På dimandéve k' on priyaxhe po les rwès et les tchîfs des peupes, por zels diner ene li påye et l' påjhirté a leus djins.

I s' pout k' il euxhe riprins l' idêye del liturdjeye djwive.

Mon les catolikes, li cogne d' asteure a stî decidêye å concile Vatican II.

e walon

Intincions po Noyé

Dins les messes e walon, les intincions finixhèt voltî pa

Priyans tertos l' Bon Diu

On pout dire ossu:

Bon Diu, … riçuvoz nosse priyire !

Inte les intincions, on tchante sovint ene fråze come:

Bon Diu, rashonnez nos divins l' påye di vost amour

Intincions a pårt

messes d' etermint et d' mariaedje

Dins les messes d' etermint, c' est sovint les parints — foiravant des efants u des djonnes — ki vnèt lére les intincions (k' il ont scrît zels-minmes). Endè pout awè dipus d' cwate

Sifwaitmint po les messes di mariaedje.

egzimpes d' intincions e walon a ene messe d' etermint

(dits pås ptits-efants do moirt)

Po Memere, ki l' Bon Diu l' aide a-z edurer ces laids moumints la, priyans tertos l' Bon Diu.

Po tos les Crustins, les Muzulmans et les Djwifs, ki creyèt tertos å minme Bon Diu, et cåzu ås minmes profetes, por zels si sovni ki leus troes rlidjons lezî pretchèt li påye, et nén les margayes et les touwaedjes, priyans tertos l' Bon Diu.

Hårdêye difoûtrinne

So Wikisourd:

• Intincions pol messe di Noyé
• Intincions pol messe di Påke