Intrez don (gazete)

Èn årtike di Wikipedia.
(Redjiblé di Intrez don)
Coviete d' "Intrez don" lº 1

Li rvuwe e walon Intrez don si lome, po dire li vraiy Intrez don, ni dmanoz nén sol soû, et s' vinoz boere ene djate di bon cafè, c' est ene gazete, fok e walon, askepieye pa François Nyns et Richard Joelants e 2000. Elle a djoké e 2006.

Pa des côps, li tite est co pus long. Li rvuwe ni parexhe ki cwand gn a assez des tecses, mins c 'est a pô près on troes-moetî.

Contnou[candjî | candjî l’ côde wiki]

Gn a del powezeye, des cåzaedjes di tchansons, mins eto del prôze nén racontrece, so les sudjets do moumint (come l' Afwaire Dutroux).

Eneviè bråmint des ôtès rvuwes ki n' eplaidèt ki des tecses di belès letes, gn a eto des prinjhes di pozicion sociåles et politikes ki polèt soude des tecses. Gn a eto des etnotecses come so les vîs djeus d' efants, u so les nos d' plaeces.

“Intrez don” eplaide eto des tecses di des vîs scrijheus rovyîs do payis d' Gråce-Hologne, come Joseph Sécretin.

Les scrijheus sont purade do payis d' Lidje, mins gn a eto des tecses d' ôte pårt (come les cis des tchansons da William Dunker si cåzaedjisse, André Gauditiaubois). Adon, i sont replaidîs avou l' accint d' Gråce.

Li rvuwe est imprimêye a môde di sillabusse, et vindowe å limero (3 €), direk påzès eplaideus.

Ele poite l' anonce, a pårti do lº 2 : «Ene riproduccion, minme pa ptits bokets, est todi foirt ricmandêye, tot raplant, bén seur, li no d' l' oteur».

Sacwants tites, et scrijheus del rivuwe.[candjî | candjî l’ côde wiki]

  • lº 1 : Intrez don, ni dmanoz nén sol soû, et s' vinoz boere ene djate di bon cafè avou Richard Joelants et François Nyns. Oteur invité : Gilbert Mottard.
  • lº 2 : Intrez don, ni dmanoz nén sol soû, et s' vinoz boere ene pitite di bon cafè avou les deus oteurs des hôteurs, Richard Joelants et François Nyns, et leus invités : Marie-José Heusdain, Hélène Lefer, Natalie Raquet, Léon Colson, Gilbert Heusdain, Félix Louis, Jean Lodewyc, Hubert Maréchal, Gilbert Mottard, Joseph Pannaye, Jean-Pierre Vervier, Gérard Wislez, et André Gauditiaubois.
  • limero speciå avou les pinsêyes da Pierre Faulx.
  • l° 8: Léon Bukens, Jos Amel