Ipocalcemeye

L' ipocalcemeye, c' est l' baxhaedje do livea do calciom dins l' sonk.

On l' rescontere dins sacwants maladeyes des djins et des aclevåvès biesses.

Ipocalcemeye ås djins

Elle pout esse cazêye pa

• ene dizôrnance do produjhaedje del paratormone.
• ene mancance di vitamene D.
• des bas liveas do magneziom e sonk.

Les mwaisses senes sont dins les musses : corwêyes (convulsions), cour ki bate drole (aritmeye), sorroedixhaedje (tetaneye), edoirmaedje ou sinsåcion d' picaedje des mwins, des pîs, des lepes (parestezeyes).

Ipocalcemeye ås biesses

C' est les frumele des roemiants ki sont l' pus sovint acsûtes. L' ipocalcemeye est l' mwaisse sene del maladeye lomêye touma des velêyes (vatches) ou touma bacalciomrece (paski, ås berbis, ça arive cobén divant l' agnlaedje).

ås vatches laeçreces

Loukîz a : touma des velêyes

Li må si voet nouv côp so dijh dins les vatches djusse velêyes. Mins gn a eto des cas ås vatches avanceyes plinnes, et rålmint, pår foû do velaedje.

• 
  five di laecea, digré I (ledjir)
• 
  five di laecea, digré II (ordinaire)
• 
  five di laecea, digré III (griyeus)
• 
  five di laecea : dischandixhaedje (normåldimint : 38,0-39,5°C)

ås berbis

Loukîz a : Touma bacalciomrece ås berbis

Li maladeye rishonne al cene do touma del vatche velêye, mins i s' rescontere purade so les berbis plinnes.

Li timperateure pout esse foirt basse, eto.

• 
  touma bacalciomrece berbis
• 
  touma bacalciomrece berbis : dischandixhaedje (normåldimint : 38,5-39,5°C)

ås gades

Les gades grandès laeçreces fwaiynut ene maladeye come li touma des vatches velêyes.