Irherm (Taroudinne)

ⵉⵖⵔⵎ (ⵜⴰⵔⵓⴷⴰⵏⵜ)

Irherm (e-n amazir, ⵉⵖⵔⵎ, iɣrm, ^{aschoûtez lu}), c' est ene pitite veye (ou on gros viyaedje) eyet l' cinte d' ene comene del campagne.

Il est metowe divins li Ptit Atlasse, e l' province di Taroudinne, divins l' redjon Sousse-Massa, å Marok.

Etimolodjeye

Li mot amazir «ⵉⵖⵔⵎ» (riscrît ossu Ighrem, Igherm, Irherm) vout dire fôrturesse, mins ossu «casba» u refoirci gurnî. Did la, l' årtchitecteure d' asteure, sol minme tcherpinte, mins ribasteye e pires.

• 
• 

Peuplåcion

Diviè 1950, å dierin rcinsmint dizo l' mambornance francesse, gn aveut 543 dmorants. Elle esteut peuplêye del tribu des Ida Okensousse la k' on contéve 3000 djins (mins ki viként so ene pus grandes sitindêye ki l' comene d' asteure).

E 2012, gn av 4.624 djins po tote li comene.

Economeye

Dins l' campagne totåtoû del veye, gn a toplin des amandîs. C' est l' dierinne plaece ki cist åbe la crexhe, si on cwite po-z aler a Nonne, so Tata.

Dins les owazisses, gn a des olivîs, des pålmîs et on-z î ahive do oidje.

Gn a ene miete di tourisse di passaedje, so les voyes Taroudinne-Tata et Tafrawoute-Taroudinne (ki s' ridjondèt dins l' viyaedje).

• 
  tchamps d' oidje dizo les olivîs
• 
  Tchamp d' amandîs
• 
  Tchamp d' amandîs a banceles