Irtish (aiwe)
| ||||
|---|---|---|---|---|
| Longueur | 4370 km | |||
| Hôteur å sourdant | m | |||
| Debit moyén | m³/s | |||
| Sitindêye del vå | 1643 km² | |||
| Sourdant | Mongoleye | |||
| S' egoline dins | Ob | |||
| Passe pa | ||||
L' aiwe d' Irtish (rûsse: Иртыш; kazaxh: Эртіс, Ertis; tatår: İrteş) est ene aiwe d' Azeye, ki prind sourd ezès Monts Altay, el Mongoleye, passer ene miete (525 km) e Djoungareye (Chine coûtchantrece) poy e Kazaxhistan (1835 km) eyet el Rûsseye (Sibereye, 2010 km) po s' aler egoler, après 4370 km, dins l' aiwe d' Ob.
Li mwaisse aiwe k' agolene dins Irtish c' est l' aiwe di Tobol. Li vå d' Ob-Irtish est ene des mwaissès vås d' l' Azeye, la k' ele rascovere li pus gros boket del Sibereye coûtchantrece, eyet les Monts Altay.
Les bateas polèt navyî so l' aiwe d' avri a octôbe, cwand i n' a pont d' glaeces. Li veye d' Omsk c' est l' sidje del copagneye rûsse di bateas d' l' aiwe d' Irtish, eyet l' pus grand poirt di fleuve di tote li sibereye coûtchantrece. I gn a eto des grandès citråles idro-electrikes dilé l' frontire inte li Kazaxhistan eyet l' Chine. Des canås d' raiwaedje d' Irtish-Karaganda apoirtèt d' l' aiwe dins les setchès stepes di Kazakstani.
Les boirds di l' aiwe d' Irtish ont stî peuplêyes pa des Chinwès, des Kalmiks eyet des Mongols, disk' a l' arivêye des Rûsses å 16inme sieke. Les Rûsses ont yeu concwerou pår li vå d' Irtish å cmince do 19inme sieke.
Veyes so l' aiwe d' Irtish[candjî | candjî l’ côde wiki]
- Öskemen/Ust-Kamenogorsk (Kazaxhistan)
- Semey/Semipalatinsk (K.)
- Pavlodar (K.)
- Omsk (Rûsseye)
- Tara (R.)
- Tobolsk (R.)
- Xhanti-Mansiysk (