Histwère di noûf mohones dè Grand Broû d'Roclindje (sovnances)
Istwere di nouv måjhones do Grand Broû d' Roclindje
Istwere di nouv måjhones do Grand Broû d' Roclindje (Histwère di noûf mohones dè Grand Broû d'Roclindje), c' est on live di sovnances sicrît pa Henri Frénay ey eplaidî a Hasse[1] e 1927.[2]
Il a stî saetchî a 500 egzimplaires limerotés.
Il e-st enimådjî pa Charles Romary (1891-1971)[3], come dit dins l' adrovaedje e francès da Fr. Olyff.
Contnou
[candjî | candjî l’ côde wiki]Roclindje, c' est l' viyaedje do scrijheu, mins ci-ci l' a cwité a l' ådje di 14 ans po-z ebagué a Paris. «E Grand Broû», c' esteut l' coulot la k' il aveut skepyî. N aveut la nouv måjhones. Mins, tins del guere di 14, les Almands ont rebleyî l' foncea po fé passer li voye di tchmin d' fier Cologne-Brussele. Tot simplumint tot spotchant les nouv måjhones avou les trigus d' reblayaedje.
On djoû, les mådits, adon k' on-z esteut dzo leus talons, vnît muzrer. Des ôtes shuvît, plantant des pås cial et la. Après zels, end ourit po trawer des schavêyes, livler les trôs, ristoper les xhores, et rhåssî les basses.
Les målureus k' estént la a dmeure so leu passaedje n' ourît ki djusse li tins di såver leu bedreyes, leus pôves vîs meubes et tos leu rahisses ki vnèt des tåyes et des tayurons.
(…)
On djoû, don, on vagon rimpli d' tere et d' trigus k' on veyeut dispu kéke tins s' aprepyî todi on pô pus près et recori vinte a tere po rivni acoûsse, s' apontixha disconte li tchminêye del prumire måjhone et vuda s' tchedje ki coixha l' toet et dfonça l' plafond.[4]
Adon, li scrijheu nos fwait moussî dins les nouv måjhones, tchaeke a s' toû. Et pacô, fé on tchaptrê a pårt so des djins k'-i-gn-a k' î dmorént.
Hårdêye difoûtrinne
[candjî | candjî l’ côde wiki]
so Wikisourd: Histwère di noûf mohones dè Grand Broû d’Roclindje (mwaisse tecse)