Kifessionå

On cfessionå (el kifessionå, el cofessionå), c' est on meube d' eglijhe la k' les crustins (catolikes et ortodosses) ès vont cfessî.

Discrijhaedje

Gn a ene lodjete å mitan la k' li priyesse si mete, et deus sol costé. Onk po l' ci u l' cene ki si cfesse, l' ôte pol cene u l' ci ki va passer après.

Dins l' lodjete do mitan, gn a on xhame pol curé s' ashir.

Dins les lodjetes des penitints, n a-st on passet por zels s' adjnoler dsu.

Dins l' paroe inte les deus, gn a ene bawete ki l' priyesse drouve u rclôt avou ene plantchete.

• 
  foirt simpe
• 
  mo travayî
• 
  avou ene djin ki si cfesse
• 
  li plantchete et l' bawete

Dins l' lingaedje walon

Li plantchete inte li curé et l' kifessî pout esse ricloyowe si l' curé rifuze l' absolucion. On dit : i (elle) a yeu l' plantchete.