Kurów

Èn årtike di Wikipedia.
Kurów
Payis : Pologne
Voyvodat : Voyvodat d' Lublin
Populåcion : 2,782 (30.06.2006)
Sitindêye : 11,32 km²
Dominne internet : lub.pl
Indicatif di telefone : +48 81
Mayeur : Stanisław Wójcicki (2007)
Djeyografike plaece : 51° 23' N
22° 11' E
Areyopoirt li pus près : Areyopoirt Okecie

Kurów (Po schoûter l' prononçaedje, clitchîz sol loyén «prononçaedje», ci djondant prononçaedje), c' est on viyaedje di Pologne, metou etur Puławy eyet Lublin so ene aiwe lomêye Kurówka.

E 2006, i gn aveut vaila 2800 djins.

Istwere[candjî | candjî l’ côde wiki]

Etur 1431 et 1442, li viyaedje obtént les droets del lwè di Magdibork. Come c' esteut ene privêye veye i gn î aveut on martchî d' amagnîs et des fjheus d' fôreures et d' peas d' biesses. Å 16inme sieke, c' est on cinte do Calvinisse adonpwis disk' e 1660, bråmint des djins s' toûnnut a l' arianisse.


E 1670 li pesse s' abate sol veye ey ele piede on moumint s' tchåte. Dispu çoula, ele pårtaedje si istwere avou l' restant del redjon.

Après l' pårtixhaedje del Pologne è 1795 elle est rprinde pa l' Ôtriche. E 1809 ele rdjond l' Dutcheye di Varsoveye et divni ttafwait polonesse è 1815. E fevrî 1831 les foices del djenerål Józef Dwernicki batnut des unités rûsses. E 1870 li veye piede ttafwait s' tchåte di veye et rinte podbon el Pologne e 1918.

Å cmince del Deujhinme guere daegnrece, li 9 di setimbe 1939, li Luftwaffe tape bråmint d' bombes dissu l' veye. Li bombårdumint distrujha èn ospitå civil, po n' dire ki çoula. Tins del guere, l' Almagne mete so pîs deus camps di foircé ovraedje nén lon d' drola. E 1942 on ptit gheto est metou e plaece, mins bråmint d' prijhnîs parvnît a s' schaper et rdjonde li rezistance dins les coinreces foresses.

Tourisse[candjî | candjî l’ côde wiki]

Po çou k' est do tourisse, i gn a-st el veye ene eglijhe del rinexhance, rifwaite e 1692 avou ene tombe del famile Zbąski eyet des sculteures da Santi Gucci. C' est ossu drola k' el djenerå Wojciech Jaruzelski a vnou-st å monde.

Hårdêyes difoûtrinnes[candjî | candjî l’ côde wiki]