Lès Scaussènes

Les Scåssenes

Les Scåssenes, k' on sait dire eto Les Escåssenes (fr: Écaussinnes), c' est ene novele comene-intité del Walonreye, el province do Hinnot.

eplaeçmint del comene el province

Mwaissès dnêyes

• Dimorants: 9.810 (2002), lomés les Scåssinoes (so plaece: les Scaussinoûs)
• Limero del posse: 7190
• Arondixhmint: Sougniye
• Sitindêye: 34,96 km²
• Dinsité: 280,61 djins/km²
• Sipotaedje des djins : Les Grossès Bodenes.

Ban des Scåssenes

• Måtche-dilé-Scåssene
• El Grand Scåssene
• El Pitit Scåssene.

Foclore

Goûter matrimonial: resconte des djonnes omes et des djonnès feyes li londi del Pintcosse. Il a stî metou so pîs li londi 1î d' djun 1903 pa Onésiphore Tricot. Julos Beaucarne endè cåze dins ene di ses tchansons:

Ås Scåssenes, c' est co bén pire:

Durant l' «goûter matrimonial», Dji n' a nén veu skepyî li dzir

Dins les grands iys des «femmes fatales».

Tuzance walone

Tchanteus e walon

• Jean Baguet, k' a scrît l' tchanson "Les sinistrés".
• Julos Beaucarne, ki l' a tchanté dins sacwantès tchansons. Dins on sketch (e francès), i vout ki Adan et Eve soeyexhe di Scåssene. Il a scrît eto ci arimé cial po s' mame:

Vos, Claire Souzane Dolfene

Vos, nosse boune viye mere des Scåssenes Vos, asteure, ki doime lon d' ciddé,

Èv rissovnoz des djoûs d' esté ?

Ôte sicrijheu

• Marcel Polet

Accint walon des Scåssenes

T-tchmijhe avou do walon des Scåssenes

Vola kékes toitche-linwe ramexhnés pa Djulos Beaucarne et k' i dit dins ses plakes avou l' accint walon des Scåssenes:

End a li diynut k' end ont et nd a ki diynut k' end ont nén; Mins end a dpus ki diynut k' end ont k' end a ki diynut k' end ont nén. La-minme: i dd a ki dittë k' i dd ont, et i dd a ki dittë k' i dd ont nîⁿ; mins i dd a pus ki dittë k' i dd ont k' i dd a ki dittë k' i dd ont nîⁿ. (on cåze di liårds, come di djusse: end a des cis ki djhèt: mi, dj' end a, savoz; end a ds ôtes ki djhèt k' end ont pont; mins gn a dpus del prumire sôre ki del deujhinme).

Dirîz bén dijh côps «li toû do cou do cok do clotchî»" (la-minme: èl toû dè cu dè cok dè clokî) sins babiyî ?

Dirîz bén dijh côps "å galop, galopea, el diåle vos årè pa vos dijh årteas" ?

Hårdêye difoûtrinne

• Roci, vos ploz schoûter èn eredjistrumint del fåve do vî vî tins «Li bijhe et l' solea» ratourné avou l' accint d' après Les Scåssenes pol Djåzant atlasse éndjolike des lingaedjes di France et d' avår la.
• Videyo so ene resconte avou l' Prince Yopôl a Scåssene e 1926 (avou Jean-Marie Gervy) (sol tchinne di videyos «Scauwal» da Jacques Pochart)