Lawo-Tseu

Lao-Tseu ki scole Confuciusse

Lawo-Tseu u Lao-tseu, come riscrît e francès pa l' EFEO, asteure ralfabetijhî purade Laozi (e pinyin Lǎo Zi; e chinwès, 老子 çou ki vout dire "vî efant", "vî mwaisse" ou "mwaisse Lao", ou co Li Eul, oudonbén Lao Tan), c' esteut on filozofe chinwès k' åreut viké 200 ans vî, eviè l’ 6inme sieke divant Dj.-C. et acsegnî l’ djonne Confuciusse.

Sacwants rcwereus pinsèt ki l' Lawo-Tseu pôreut bén n' esse k' on persounaedje edvinté pa Zhuangzi.

Les acsegnmints da Lawa-Tseu ont miné å tawoyisse, k' a divnou ene rilidjon po 20 miyons d' Chinwès.

Vicåreye

Il esteut årtchivisse et asterloke des impreus Zhou, mins si disgosta d’ zels. Adon, il åreut peté foû erî, ashid dissu on boû, po l’ Inde. Et, å wåde-frontire, diner s’ testamint filozofike : li Dào dé jīng (道德经 ou 道德經; Live del voye eyet del viertu), k' e-st å soûrdant do dawoyisse.

Ratournaedje e walon

Sacwants d' ses tuzêyes ont stî rmetowes e walon pa Jozé Schoovaerts

• 
• 
  Onk di ses tuzaedjes e-n imådje

Boket do Tawo-tô kign

Li Tawo k’ vos sayîz d’ saizi n’ est nén l’ Tawo lu-minme ;

vos l’ voloz lomer sins lyi dner s’ bon no.

Sins pont d’ no, i rprezinte l’ oridjene di l’ univiers ;

lomé, il est l’ Moman di tos les tolus.

Pa l’ non-esse, apiçans s’ sicret ;

pa l’ esse, apontians s’-n intrêye.

Nolus et tolus rexhous d’ on mierseu fond

ni sont diferins ki d’ pa leus nos.

Ci mierseu fond la s’ lome Noereur.

Noeri cisse noeristé,

vola l’ ouxh di tote merveye.

Hårdêye difoûtrinne

• Des ôtes pinsêyes da Lao-tseu (sol djåspinreye "Toudi")