Les deus bådets (fåve)

Les deus bådets u les deus moulets, c' est ene rilomêye fåve Lafontinne.

Sudjet

Dins l' modêye Bayeu, c' est deus bådets endè vont, onk dirî l' ôte, onk tcherdjî d' såvlon, l' ôte di spondjes.

Li ci ki n' a waire di tchedje (les ledjirès spondjes) fwait di s' gueuye.

Arive k' i doevnut passer ene aiwe, djusse a ene plaece k' i gn a ene gofe.

Li bådet k' a l' såvlon, trop pezant, s' efondere dins l' lét del rivire. Mins l' såvlon s' dismantche dins l' aiwe, et i rdivént pus ledjir, et trevåtchî åjheymint.

Tot l' contråve pol ci k' a les spondjes. Cwand il arive dins l' gofe, ele si rimplixhnut d' aiwe et i dvént pezant ki l' diåle, tantea k' il î dmeure.

Li modêye Leyon Bernus riprind li spoûle då Djhan d' Lafontinne, avou onk des ågnes k' a do såvlon, l' ôte di l' ôr.

Li passaedje di l' aiwe est replaecî pa on ratindaedje, la k' deus bandiys vont-st ataker l' åze avou les ôrreyes, et co lyi rtaener l' cur divant del leyî la.

Moråle

Schoûtans l' moråle, sicrîte pa Leyon Bernus:

C' est k' el ci ki tchait d' hôt,

— C' est todi — s' fwait bråmint pus må.

Hårdêyes difoûtrinnes

(so Wikisourd)

• Mwaisse modêye Bernus
• modêye Bernus e rfondou