Les fôves do soûrdant do trô Méria, botroule di l'univèrs (livret)
Les fåves do sourdant do trô Mairia, botroûle di l' univiers
Les fåves do sourdant do trô Mairia, botroûle di l' univiers (Les fôves do soûrdant do trô Méria, botroule di l'univèrs), c' est ene ramexhnêye di tecses e walon sicrîts pa Émile Hesbois.
Tchaeke tecse aveut stî scrît e walon, dispu li cmince, e walon ey e francès po passer so ene waibe tos les dimegnes å matén. Sol live, les deus modêyes sont sol minme pådje, avou ene imådje Fabienne Rouvroy.
Il a rexhou e 2015, eplaidî pa l' Aisse del tuzance di Rotchfoirt, come pitit livret al raloyeure caracolrece.
Contnou
[candjî | candjî l’ côde wiki]Gn a des tecses di prôze et des bokets e vers, mins nén arimés. Pa des côps maxhîs a môde di prôze-powezeye.
Boket d' prezintaedje
[candjî | candjî l’ côde wiki]Trô Mairia, trô sins fond;
Vintrêye di mame;
Botroûle di granite et d' diele;
Ou halcotèt l' aiwe, li feu et l' vint.
Pire Håyna, rotche hagneye pa les djalêyes;
Doet stindou viè l' grand tcheriot;
Lét d' mes berôlaedjes;
Blanc betch di mes zinguebrinkes.
Dj' a on ptit påwion dins m' tiesse;
Ça våt mia k' ene halene.
Nén åjhey d' el sipotchî;
C' est todi mia k' on colon
Å moumint del tchesse,
Et les berlus ki tirèt.
Alére
[candjî | candjî l’ côde wiki](fr) Conte-rindou da Joseph Bodson, dins Cotcorico l° 36, 1/2015 (avou deus grands passaedjes do live).