Lete yarh (tifinar)
Li lete tifinare "yarh" ou yagh ou yaɣ (ⵖ), c' est l' lete ki rprezinte li screpé R dins l' alfabet tifinar.
C' est l' 21inme lete et l' 17inme cossoune dins l' sistinme IRCAM.
Sicrijhaedje e l' AFE : ɣ
Spårdaedje[candjî | candjî l’ côde wiki]
C' est ene lete foirt corante e-n amazir. On l' trouve metans dins les mots "amazir" (amazirh, amazigh, amaziɣ) et "tifinar" (tifinarh, tifinagh, tifinaɣ).
Prononçaedje[candjî | candjî l’ côde wiki]
C' est l' minme son ki l' lete arabe غ. C' est on R foirt sicrepé, ene miete come dins l' francès d' Paris.
Ralfabetijhaedje[candjî | candjî l’ côde wiki]
Li ralfabetijhaedje li pus corant, c' est "gh". Li rujhe, c' est k' il est rcomprins come on "G" dins les lingaedjes uropeyins. Did la des ratournaedjes målureus, come e catalan (amazic).
Po s' houwer do prononçaedje G, on a eployî padecô "rh" e l' arabe pol minme son. C' est çou k' est siervou dins l' tiesse di cist årtike cial. Mins li scrijha "rh" n' a waire yeu d' succès dins l' ralfabetijhaedje di l' arabe.
Les cabiles et les linwincieus d' l' amazir li riscrijhèt "ɣ" ou "γ" (tamaziγt, tamaziɣt)
Dins l' ralfabetijhaedje di sacwants mots amazirs dins l' Wikipedia walon, on a wårdé li lete R (amazir, tifinar, veyanmint k' e walon, li lete R pout esse prononceye ene miete sicrepêye (/ʀ/), mins ossu rôlêye (/r/).
Egzimpes di mots[candjî | candjî l’ côde wiki]
- ⵖ (divancete "ⵖ" = dins, e)
- ⵜⴰⵎⴰⵣⵉⵖⵜ (lingaedje amazir)
- ⵜⵉⴼⵉⵏⴰⵖ (alfabet tifinar)
-
mot "tamaziɣt" avou l' yarh (divant-dierinne lete) sicrît arondi
-
mot "tifinaɣ" (li ⵖ, c' est l' dierinne lete)