Li novea mwaisse di scole (teyåte)

Le nouveau maît' d'ècole / Li nouvya mwaîse di scole

coviete do live avou l' tite e francès d' Walonreye

tite del pårteye e walon

Li novea mwaisse di scole (Li nouvya maîse di scole), c' est ene pîce di teyåte e walon sicrîte pa Arthur Masson et k' a parexhou e-n on live avou l' minme e francès d' Walonreye del kimince do 20inme sieke (Le nouveau maît′ d'ècole) e 1951.

Racourti

On novea mwaisse di scole (on n' dit nén ddja s' no) vént d' ariver dins on ptit viyaedje. Fine, li feye do taeyeu endè dvént bleuwe. Sorlon l' grand-pere (sins no, lu nerén), li novea mwaisse voet eto Fine voltî, pusk' i candje di voye, del sicole a s' djîsse, po passer dvant leu måjhon la k' ele rifrote les cwåreas des fniesses padvant. Mins l' ome est foirt timide. Dandjreus assez k' ça s' arindjrè, taiss ! Mins fårè passer houte des eguegnes ki l' mame et l' matante da Fine vont kécfeye emantchî, ca ele n' inmnut nén dtrop l' novea mwaisse.

Corwaitaedje do walon

Les rplacaedjes inte les persounaedjes sont vormint vicants, çou ki mostere li boune kinoxhance do walon corant pa l' oteur. Li mame, todi foirt epoltêye, atowe si feye, mins leye avoze tos les pus vîs k' leye. Li grand-pere, pus poizé, vouvweye si ptite-båshele, mins atowe si prôpe feye, cwand ele s' emonte.

Fine - I m' shonnéve ki ti l' inméve bén, mi, l' muzike.
Meliye - C' est djustumint po ça ki dji n' inme nén tes tchoûlreyes di pîlåd k' a pierdou ses oûs. Li muzike, por mi, i fåt k' ça fouxhe gaiy. (…) Avou l' cene ki ti nos rmoûs dispu kékes samwinnes, saiss bén k' t' as l' air d' ene bele hoûlote, et k' i gn a des côps ki dji t' dinreu bén deus sôs po k' ti stitches on boutchon dins t' gaviåd.