Li Vî Bleu (binde d' imådjes)

Èn årtike di Wikipedia.
Sauter à la navigation Sauter à la recherche

Li vî Bleu, c' est ene binde d' imådjes dessinêye pa François Walthéry so on sinnariou da Raoul Cauvin.

Gn a yeu deus tômes. Li prumî a rexhou li 6 di djun 1980 ås Edicions Dupuis (ISBN 2800106964), et l' deujhinme e 2011, ås Noer Dessén (ISBN 978-2-87351-244-6). Li ratournaedje e walon a stî fwait pa Jeanne Houbart-Houge pol prumî eyet pa På-Hinri Tomsin pol deujhinme.

Mins li spoûle aveut ddja rexhou e francès dins l' gazete Spirou dispu 1974 dizo l' tite «Le vieux Bleu».

Plaeçmint dins l' espåce et dins l' tins[candjî | candjî l' côde wiki]

Les persounaedjes, c' est des colebeus ki vicnut a Årdjetea diviè 1930.[1]

Mwaisse persounaedjes[candjî | candjî l' côde wiki]

  • Djule, li mwaisse do "Vî Bleu", ki dmane avou s' fi k' est maryî et k' a deus efants (ci sereut kécfeye bén l' famile da Françwès Walthéry lu-mminme).[2]
  • Achile, si camaeråde; si colon s' lome «li ptit rodje»
  • Li curé, ki s' a metou a coleber eto, et k' a lomé s' tchampion, come di djusse, «Li Ptit Djezus».

Saetchaedje[candjî | candjî l' côde wiki]

Li prumî eplaidaedje a stî saetchî a 40.000 egzimplaires. Li 2inme parey, eyet l' troejhinme a 20.000, çou ki ndè fwait li pus grand eplaidaedje di lives e walon di tos les tins.[3]

Impôrtance po l' rivicance do walon[candjî | candjî l' côde wiki]

Ça a kécfeye li pus hôt saetchaedje di tos les lives e walon. Sacwants djins (come Lucien Mahin), å lére di ç' live la, s' ont-st abénti ki l' walon, k' i cnoxhént bén di leu djonnesse walon-bagnante, si scrijheut come les ôtes langues, et ataker ene vocåcion di scrijheu e walon.

Hårdêye difoûtrinne[candjî | candjî l' côde wiki]

Pitit boket do tôme I (so l' Aberteke)

Sourdants[candjî | candjî l' côde wiki]

  1. François Walthéry, Pitit mot ås camas da Djule et di s' vî bleu, 11-10-2011, Li Vî Bleu 2, après l' binde d' imådjes.
  2. «Dj' a rtrové moman et popa e dessinant l' deujhinme tôme», Li Vî Bleu 2, come cial ådzeu.
  3. François Walthéry, emission «Radjoû», RTBF, diviè 1995.