Li Vicaîrîye d'on gamin d' Cêles (sovnances)
Li vicåreye d' on gamén d' Cele
Li vicåreye d' on gamén d' Cele (Li Vicaîrîye d'on gamin d' Cêles), c' est on live di sovnances sicrît pa Joseph Houziaux.
Il a rexhou pol prumî côp e 1964, pu esse replaidî e 2003 dins l' coleccion "micRomania". Dins cisse-ciale, gn a on ratournaedje e francès vizon vizu, fwait på fi do scrijheu, Mutien-Omer Houziaux.
Tinmes
[candjî | candjî l’ côde wiki]C' est, come li tite dit, li ptite djonnesse d' on roufion, Djôzef Louviau, passêye a Cele-dilé-Dinant, pu a Dinant la k' il ala po ses umanités. Pu s' djonnesse k' i passe courtinnmint a Cînè, pu a Rotchfoirt come djonne mwaisse di scole. Est ç' li cene do scrijheu ?
Adon, tos les tinmes do vicaedje d' on viyaedje del Walonreye al fén do 19inme sieke ey e l' prumire mitan do 20inme î sont-st aboirdés. Aprume les cis a vey avou l' rilidjon catolike.
On vike eto li guere di 14 veyou pa ene djin d' on viyaedje waire aduzé pa les margayes, mins nén lon des nouzomès rascråwes di Dinant.
Li pa da Djôzef est marixhå. Mins eto, come si prôpe pa et des ôtes mimbes del famile, organisse a l' eglijhe di Cele.
Dinêyes eciclopedikes
[candjî | candjî l’ côde wiki]- sint Hålin (k' åreut stî l' prumî dmorant di Cele).
- Djindron
- discrijhaedje di l' eglijhe di Cele
- les ôres
- el Sint-Elwè (fiesse)
- el Sint-Nicolai (fiesse)
- li messe e meynute å Noyé
- li schiråde
- li grand feu
- les cortis
- les djeus d' cwåtes, coyon u piket (djusse cités)
- les nos d' plaece di Cele
- li touwaedje do pourcea
- li guere di catoize
- les scoles primaires et sgondaires divant l' guere di 14
- l' abrocaedje des Almands al guere 1914-1918, avou l' distrujhaedje di Dinant; leu ressåvaedje, cawe e cou, e 1918, la k' gn av des cis ki poirtént l' rodje drapea des comunisses (rade ricatchî so l' ôre d' on mwaisse sôdård).
- les ôres d' eglijhe