LibreOffice Base
LibreOffice Base, c' est on programe éndjolike po-z askepyî des soûmints di dnêyes avou LibreOffice. Il est disponibe dispu 2011 ey on sait l' aberweter e passant på principås botikes éndjolikes. Å livea des licinces, LibreOffice Base est so licince Mozilla Public License.[1]
Piceures[candjî | candjî l’ côde wiki]
Éndjole[candjî | candjî l’ côde wiki]
Tot come les ôtes programes di LibreOffice, LibreOffice Base est po-rén. Po l' sawè fé roter a cint å cint, i fåt aberweter Java so s' copiutrece. Avou ça, k' i fåt rwaitî al varyisté k' on-z aberwete. Dj' ô bén, vir si c' est l' varyisté 32 ubén 64 bites.
Si prumire varyisté a stî eplaideye li 10 di fevrî 2011, avou l' code limerike « 3.3.0.4 ».[2] Dispoy l' varyisté 4.2.0, rexhou li 30 di djanvî 2014, on pout bouter avou èn abuvroe SQL scrît e C++. Mins nerén, c' esteut aprume èn ådjeu, pus ça a divnou l' usteye erîlêye.[3]
Come les ôtes programes éndjolikes di l' ofice LibreOffice, LibreOffice Base est disponibe dins totplin di lingaedjes, mins nén co e walon.
Rapoirtance[candjî | candjî l’ côde wiki]
On sait impôter eyet espôrter des dnêyes ki vegnnut d' on tåvleu, come LibreOffice Calc.[4] Houte di çoula, on sait s' elodjî a des ôtes soûmints di dnêyes, metans Oracle eyet MySQL.[5][6]
Imådjes[candjî | candjî l’ côde wiki]
Hårdêye difoûtrinne[candjî | candjî l’ côde wiki]
Pådje d' el kiminålté do programe sicrîte e francès.
Referinces eyet sourdants[candjî | candjî l’ côde wiki]
- ↑ https://www.ouvrezlaboite.com/help/libreoffice_print.htm
- ↑ http://downloadarchive.documentfoundation.org/libreoffice/old/?C=M;O=A
- ↑ https://wiki.documentfoundation.org/ReleaseNotes/6.2
- ↑ https://www.youtube.com/watch?v=GeZrWFitqEo
- ↑ https://help.libreoffice.org/6.4/fr/text/shared/explorer/database/main.html?DbPAR=BASE
- ↑ https://doc.ubuntu-fr.org/libreoffice_mysql