Lingaedjes galo-romans

Lingaedjes galo-romans
Beldjike, France, Swisse, Itåleye, Lussimbork ()
Cåzeus
Ôtès informåcions
Sôre	lingaedje ås accints, lingaedje a flessions, SVO
Tacsonomeye
Filodjenêye	Indo-uropeyinne  Italike   Lingaedjes romans    Galo-roman
Statut oficir
Côdes di classifiaedje
Glottolog	nort3208 (en)
Prumî årtike di l' Univiersele declaråcion des droets del djin

L' idêye di galo-roman eployeye po dsignî on lingaedje roman ou ene troke di lingaedjes romans, vént do concepte istorico-djeyografike di « galo-romin » ki revint å cminçmint al civilisåcion prôpe del Gåle rominne. Mins nerén, pol linwistike di nos djoûs, li sitindêye do galo-roman est bråmint pus stroete ki li cadje djeyografike des Gåles.

Vîye definicion politike

Li sitindêye djeyografike des lingaedjes k' estént loukîs dinltins come « galo-romans ».

Mape des Gåles: provinces rominnes eyet les peupes proto-basques, celtes eyet djermanikes al fén do 1inme sieke divant Dj.C.

Les lingaedjes galo-romans estént ene categoreye del classemint tradicionel des lingaedjes romans. I s' adjit des lingaedjes ki vegnèt do latén vulgaire, après sacwants siekes d' evoluccion semantike, di mutåcion fonetike eyet di vucabulere, dins on cadje djeyografike ki comprind li pupårt do teritwere lomé dinltins les Gåles. Li zone djeyografike rishonnéve å peu près al France metropolitanne, al Beldjike, å Lussimbork, å Nôr di l' Itåleye eyet a ene pårteye des Payis basse, di l' Almagne eyet del Swisse.

Dins ç' sins la, influencî pal pinsêye di l' Etat-nåcion, li galo-roman rshonnéve :

• les lingaedjes d' oyi (francès)
• li Francoprovinçå
• li troke galo-italike
• li troke occitano-romane (avou li diyasistinme occitan-catalan)
• li troke reto-romane
• diferins sociolékes e rlaye avou ces lingaedjes la.

Sacwants rcwereus prifere ouy rshonner les traits djeyolinwistikes ki ces lingaedjes la partadjèt po dner ene coxhe coûtchantrece des lingaedjes romans.

Definicion del linwistike d' ouy

D' on pont d' vue striktumint linwistike, li galo-roman ni comprind ki l' francès (comprind dins li diyasistinme des lingaedjes d' oyi) eyet li Francoprovinçå. Li zone di spårdåedje do galo-roman est metowe pus å Nôr ki l' cene des ôtes lingaedjes romans.

Il est kracterijhî pa si precocité emey li « Romaneye », liyeye vrishonnablimint a ene plus foite influence do djermanike sol latén vulgaire dins les teritweres vijhéns des zones wice k' on cåzéve li djermanike. Cisse influence la si voet bén dins li motlî, li fonetike eyet, on pô moens, dins li sintacse.

Li classemint del linwistike d' ouy si prezinte insi :

• Galo-roman (stricto sensu)
  • Lingaedjes d' oyi (don l' francès)
  • Francoprovinçå

Å sud-ouwess, les dialékes occitans eyet catalans sont classés come Lingaedjes occitano-romans. Å sud-ess, les lingaedjes do Nôr di l' Itålye (metans li pîmontès) eyet di si boirdure (metans li roumantche) sont classés dins les lingaedjes galo-italikes eyet réto-romans.

Comparaisons edur les mots

Les numerås dins diferinnès varyistés galo-rominnes sont :

NUMERÅ	Lingaedjes d' oyi						Francoprovinçå
	Francès	Tourandjeu	Mainiot	Normand	Picård	Walon
'1'	un / une	eun / eune	un / une	eun / eune	un / unne	on / one (ene) / onk	yon / yona
'2'	deux	deus	doux	deus	deus	deus	dos / doues (douves)
'3'	trois	trais	trais	treis	troés	troes	treis
'4'	quatre	quat'e	quatre	quat'e	quate	qwate	quatro
'5'	cinq	cing	cinq	chinq	chinc	cinq	cinq
'6'	six	six	six	six	sis	shijh	sièx
'7'	sept	siept	sept	sept	sèt	sèt	sept
'8'	huit	heut	heut	huit	uit	ût	oit
'9'	neuf	neu'	nouf	neu'	neu	nouf	nof
'10'	dix	dix	dix	dix	dis	dijh	diex

Trokes di transition

Li troke galo-romane (lingaedjes d' oyi eyet francoprovençå (FP)) aparexhe diferinciyeye des lingaedjes romans ki lyi estént dinltins rattachés.

Dins on classemint pus nuancî, dscrit å cminçmint pal linwiste Pierre Bec, les lingaedjes galo-romans comprindèt ene dizo-troke striktumint galo-romane eyet des dizo-trokes di transition.

• Transition inte lingaedjes galo-romans eyet Lingaedjes ibero-romans
  • Li troke occitano-romane, on djheut dinltins « galo-roman meridiunå », a des kracteres di transition inte li galo-roman eyet l' ibero-roman.
    • occitan:
      • Nôr-occitan (limosin, auvergnat)
      • Occitan moyén (languedocien, provençå)
      • gascon
    • catalan
  • aragonès
• Transition inte lingaedjes galo-romans eyet Lingaedjes italo-romans
  • « Italyin septentriunå » ossu lomé nôr-italyin ou padan.
    • Galo-italyin
      • Emilyin
      • Romagnol
      • Galo-italike di Basilicata
      • Galo-italike di Sicile
      • ligur
      • lombård
      • pîmontès
    • venicyin
    • istriyot
  • Troke reto-frioulinne
    • roumantche
    • ladin
    • fôrlan

Referinces

Lingaedjes romans
Latén (Latén vulgaire †)
Roman coûtchantrece	Troke ibero-roman Aragonès • Galicyin • Espagnol • Liyonès • Portuguès Troke galo-roman Borguignon • Djersiyès • Francès • Francoprovinçå • Galo • Lorin • Morvandiô • Normand • Picård • Pweturlin • Tchampnwès • Walon Troke galo-italike Côsse • Ligur • Lombård • Pîmontès • Venicyin • Emilyin • Romagnol Troke occitano-roman Catalan • Occitan Troke reto-roman Fôrlan • Ladin • Roumantche
Roman levantrece	Troke italo-roman Itålyin • Napolitin • Istriyot • Sicilyin • Toscan Troke iliro-roman Dalmate † Troke balcanike Roumin • Aroumin • Megleno-roumin • Istro-roumin
Roman d' iye	Sarde
Ôtes	Sabir (Lingua Franca)