Lucien Léonard
Lucien Léonard (pacô rwalonijhî e Lucyin Linåd) a skepyî e 1909 et mori e 1989. Il esteut d' Annvoye.
Mwaissès dnêyes
[candjî | candjî l’ côde wiki]C' esteut aprume on rcwereu sol walon, ey on bouteu pol walon. Onk des prumîs a tofer sayî do mostrer l' adire inte li walon eyet l' francès å livea del croejhete. Et-z eplaidî, po ça, "Ene saye di croejhete di nosse patwès" (1972).
Si mwaisse-ouve, c' est, sins manke, li Lexique namurois (1969), on gros spès motî adjinçné idêye pa idêye.
I fourit prezidint des Relîs Namurwès di 1968 a 1989, et-z î assaetchî des noveas scrijheus.
Come mwaisse eplaideu des Cayés Walons, i n' rixhinéve nén po les scrijheus epronter des beas mots å lidjwès, s' i manként e namurwès, metans croejhete, diloujhe.
I djåzéve mo voltî walon e societé, et scrire a ses soçons e walon.
Il esteut eto mimbe del S.L.L.W..
Di s' mestî, il esteut apoticåre e l' årmêye. Il aveut scrît sacwants sincieus papîs e francès, inte di zels sol pitizeye.
Il a stî rprins dins l' antolodjeye «Scrire».
L' ouve da Lucyin Linåd, et si rmanance
[candjî | candjî l’ côde wiki]- Rifondeu sins l' saveur, il erîla les scrijhas des longs O dins l' Namurwès: a pårti d' lu, li å serè tofer sicrît au, Tant k' å ô, i serè scrît ô, et pus au (on trô, nén on trau).
- Il a ecoraedjî Lucyin Somme a ses cminçmints (et scrire l' adrovaedje di "Ene veye di djin"). Ci-cial l' a coplé dins l' ramexhnaedje di l' antolodjeye “Fleurs dialectales” (1974).
- C' est Lucyin Linåd k' a scolé Lucyin Mahin, tot lyi scrijhant, et l' ricoridjî bén vayanmint et publiyî raddimint ses tecses ezès Cahiers wallons, et l' Avni do Lussimbork. Il a scrît l' adrovaedje do prumî tome di «Ene båke so les bwès d' l' Årdene», ey ene pårteye do tecse del shijhinme «shijhe»[1].
-
coviete di s' gros motî -
coridjaedje do prumî arimé e walon da Lucien Mahin
