Aisse del Tuzance

Cinte culturel

Aisse del tuzance di Bive, al nive

Aisse del tuzance di Råcoû

Aisse del tuzance di Bietris

Ene aisse del tuzance (on dit eto : ene Aisse del Culteure u on Cinte culturel, ene Måjhone del Culteure), c' est ene grande måjhon la k' on adjinçnêye totes sôres di raploûs et di spectåkes a vey avou l' culteure.

Sôres d' ocupaedjes

• des mostras d' pondeures, di sculteures
• des concerts di tchanteus, di muzicyins
• des conferinces
• des cåbarets (boutans des cåbarets walons).
• des copinreyes

Sovint, gn a eto ene bibioteke po tertos.

Les aisses del tuzance sont pacô edjîstrés dins des ancyins tchesteas u des belès måjhons.

Istwere

Les aisses del tuzance, c' est des institucions k' ont cmincî el Walonreye diviè les anêyes 1960.

Divant les aisses des tuzance, gn aveut yeu l' môde des måjhons do peupe. Mins la, gn aveut ene idêye di reclame politike padrî. Les måjhons do peupe avént eto ene såme comercåle (vinde des bonmartcheyès sacwè ås ptits ovrîs).

Economeye

El Walonreye, les aisses del tuzance riçuvèt des subzides di l' Estat (Federåcion Walonreye-Brussele), et des comenes. Po l' estat, ele divèt prezinter des prezintaedjes culturels dins sacwants dominnes. Les comenes s' ocupnut sovint d' etertini les bastimints. I polnut ocuper l' Aisse po rén.

Les ôtès soces cultureles et sportives del comene polèt aveur sacwants locås. Mins, po les soces ki rfijhèt des cwårs, kécfeye divèt ele payî on louwaedje.