Nôbe boloe

Èn årtike di Wikipedia.
(Redjiblé di Magnåve bolet)
Potchî a: naiviaedje, cweri
Magnåve boloe
Boletus edulis (Foto: Jean-Pol Grandmont)
Boletus edulis (Foto: Jean-Pol Grandmont)
Classifiaedje syintifike
Ringne: Fungi (tchampions)
Ecoxhmint: Basidiomycota
Classe: Homobasidiomycetes
Dizo-classe: Gasteromycetideae
Ôre: Boletales
Famile: Boletaceae
Djinre: Boletus
Espece: edulis

Li ou nôbe boloe ou magnåve boloe, c' est onk des meyeus tchampions-boloes del Walonreye. Il est foirt ricwerou pa les cnoxheus.

Discrijhaedje[candjî | candjî l' côde wiki]

Tchampion avou on bea tchapea bombé (8 a 20 cm), di coleur brun-clair a brun-ocracé, sovint ricovrou å début d' ene blanke "pruine" k' endeva e leyant on boird ourlé d' blanc, lisse et setch cwand il est ptit i dvént crås, ene miete glumiant et poli cwand i fwait crou.

Les pôres et les tubes sont blancs po cmincî. Adon-pwis, i divnèt djaenes, et pu vert-olive.

Il a on stocaesse pî, brun clair, wårni d' on fén blanc mayaedje, trapou å cmince et pu adon cilindrike, mins rinflé pa dzo (6-20x2-5cm).

Li tchå a ene blanke coleur pus brune dizo l' pelete. Elle est bén spesse et dmorer bén deure. Ele est vite molonêye, ca elle sawoure ossu ås molons et ås lumçons.

Il a ene doûce odeur di noejhete.

Djonnes magnåves bolets k' on lome sovint dins ç' cas la des "boutchons d' tchampagne".

I vént al tere dizo bråmint d' sôres d' åbes (tchinnes, sapéns) et dins tos les bwès. On l' trove a cmincî del fén d' l' esté disca l' fén d' l' erî-såjhon.

Eployaedje[candjî | candjî l' côde wiki]

C' est on foirt bon tchampion k' on pout mougnî crou ou cût.

On è pout fé des wekes.

On l' pout minme wårder souwé, sins piede si sawourance.

Bibliografeye[candjî | candjî l' côde wiki]

Tites des lives e francès k' i gn a avou pus di racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips: Les champignons (Solar, 1981) - ISBN 2-263-00640-0
  • Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
  • Peter Jordan, Steven Wheeler: Larousse saveurs - Les champignons (Larousse, 1996) - ISBN 2-03-516003-0
  • G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
  • Henri Romagnesi: Petit atlas des champignons (Bordas, 1970) - ISBN 2-04-007940-8