Maladeye Marek

Li maladeye Marek, c' est ene maladeye des poyes, la k' ele xhalèt, todi dpus, pus toumer paralizêyes d' ene u deus pates. Des côps, c' est onk u deus penas ki s' leyèt djus. Ubén l' hatrea ki s' toide. Li pôzucion l' pus tipike, c' est cwand ene pate est stindowe divant l' poyete, et l' ôte padrî.

L' cåze, c' est èn erpesvirûsse ki provoke l' amoussaedje di blankès globures divins les niers difoûtrins. On l' pout vey åjheymint, a l' ouy, sol nier siyatike. Mins gn a eto des ôtes organes ki polèt esse acsûts, inte di zels li poupåd des ouys.

Li poupåd di l' ouy a droete amoussî di blankès globures, et tot ratchitchî; l' ouy di hintche est normå

Si les poyons sont-st epestiferés li prumî djoû (çou ki shonne esse sovint l' cåze), les senes ni vont aparexhe ki viè l' troejhinme u cwatrinme samwinne. Mins, on trouve les pus laids cas dins les poyetes d' aclevaedje diviè l' 8inme, 9inme samwinne.

József Marek, k' a dné s' no al maladeye, c' esteut-st èn årtisse hongrwès k' a studyî l' prumî l' maladeye, ey eplaidî ses trovas e 1907.